Charter Document - 03660015
| Charter Number: | 03660015 |
|---|---|
| Cartulary Title: | The Register of Walter Bronescombe, Bishop of Exeter, 1258-1280. |
| Charter Language: | Latin |
| Charter Origin: | Religious |
| Charter Type(s): | Agreement |
| Date: | 1273 |
| Date type: | Internal, A.D., Calendar |
| Resource Link(s): |
|
Charter:
Universis [] Walterus [] Noverit Universitas vestra quod nos recepimus et habuimus a Guelfo Renaldi Galtero Scoldi Franco Plebanelli et Renero Jacobi sociis civibus et mercatoribus Florentinis dantibus et solventibus pro seipsis et Huberto Renaldi Jacobo Rembertini Bonevicino Nicholai et Jacobo Bonacursi et aliis eorum sociis universis in solidum septingentas et nonaginta marcas novorum et legalium sterlingorum tredecim solidis et quatuor sterlingis pro marca qualibet computatis quas dicti mercatores et eorum socii de nobis et procuratoribus nostris Londonie in Anglie a Festo Purificacionis Beate Marie Anno Gratie MCCLXX secundo usque ad Festum Sancti Gregorii MCCLXX tercio receperunt et nobis tenebantur reddere et restituere De quibus septingentis et nonaginta marcis nos bene solutos et quietos vocamus excepcioni non recepte et non numerate ac nobis non tradite pecunie omnino renunciando Et de premissa summa pecunie facimus finem aquietacionem et absolucionem ac pactum de non ulterius quicquam petendo pro nobis et successoribus nostris Ecclesia et Episcopatu nostro in solidum antedictis omnibus mercatoribus et eorum sociis universis in solidum volentes quod sint casse et vane omnes Litere obligatorie et instrumenta ac promissiones que de premissis possent ulterius reperiri et nullam obtineant firmitatem Que vero omnia prefata prelibato modo ut dictum est pro nobis nostris omnibus successoribus Ecclesia et Episcopatu nostro in solidum promittimus et tenemur jam dictis mercatoribus recipientibus pro se ipsis et universis eorum sociis in solidum facere observare et in nullo contravenire sub pena duplicis pecunie aut rei unde ageretur Et propter hoc nos successores nostros Ecclesiam et Episcopatum Exoniensem in solidum una cum omnibus bonis nostris et eorum omnibus mobilibus et immobilibus presentibus et futuris Ecclesiasticis et mundanis proventibus et reditibus universis in solidum antedictis omnibus mercatoribus et eorum universis sociis in solidum in predictis principaliter obligamus Et renunciamus pro nobis nostris successoribus Ecclesia et Episcopatu nostro in solidum in hiis excepcioni non sic rei geste privilegio clericatus et fori et cuilibet subsidio Crucis Constitucioni de duabus Dietis edite in Concilio Generali et omnibus aliis que possent objici contra predicta vel aliquid predictorum In cujus rei testimonium [] Datum Parisius Anno Domini MCCLXXIIJ mense Marcio die sexto decimo