Charter Document - 03660012
| Charter Number: | 03660012 |
|---|---|
| Cartulary Title: | The Register of Walter Bronescombe, Bishop of Exeter, 1258-1280. |
| Charter Language: | Latin |
| Charter Origin: | Religious |
| Charter Type(s): | Decree |
| Date: | 1258 |
| Date type: | Internal, Calendar, Episcopal |
| Resource Link(s): |
|
Charter:
Walterus miseracione [] dilecto filio Archidiacono Exoniensi [] Cum inter sollicitudines alias ex officii nostri debito precipue teneamur animarum invigilare saluti ut converse ad Pastorem et Episcopum animarum suarum oves veri Pastoris solacio foveantur Ecclesia Sponsi sui letetur amplexibus onusque suum sequatur emolumentum et cura suo resideat in pastore commendaciones custodias beneficiorum curam animarum habencium simpliciter vel ad tempus quibuscumque personis quocumque modo preter intitulacionem per predecessores nostros commissas in quibus dubium non est pro tempore suo et voluntate curam sibi retinuisse specialem ex nunc auctoritate Presencium quamvis ipsis decedentibus evanuerint de jure penitus revocamus Quocirca vobis mandamus in virtute obediencie firmiter injungentes quatinus hoc nostrum Mandatum in singulis vestri Archidiaconatus Capitulis et Ecclesiis sic commissis publicetis seu publicari faciatis auctoritate nostra districcius inhibentes ne hujusmodi commendaciones seu custodias retinentes nisi per nos prius canonice instituantur sub quocumque colore ad Sacros Ordines accedere nec de illis Beneficiis que sub sequestro nostro ex nunc retinemus disponere seu intromittere aliquatenus audeant vel presumant sicut canonicam effugere voluerint ulcionem Qualiter vero hoc nostrum Mandatum fueritis executi per literas vestras patentes harum seriem continentes cum expressione Beneficiorum et nominibus beneficiatorum hujusmodi citra diem Ordinum in proximis iiij Temporibus celebrandorum aperte et distincte nos certificetis Datum apud Peintone vj Kalendas Maii Consecracionis nostre anno primo