Charter Document - 03660010
| Charter Number: | 03660010 |
|---|---|
| Cartulary Title: | The Register of Walter Bronescombe, Bishop of Exeter, 1258-1280. |
| Charter Language: | Latin |
| Charter Origin: | Religious |
| Charter Type(s): | Mandate |
| Date: | 1258 |
| Date type: | Internal, Episcopal, Feast |
| Resource Link(s): |
|
Charter:
Walterus miseracione [] dilectis in Christo filiis Decano Exoniensi et coexecutoribus suis Testamenti bone memorie Ricardi predecessoris nostri salutem graciam et benediccionem Quoniam fide dignorum relatu intelleximus quod per eundem predecessorem nostrum Exoniensis Ecclesia variis et gravibus debitis est onerata et per quasdam inportunas exacciones in brevi faciendas in futuris ut timemus oneranda ac quidam novi creditores nuper ad nos venientes coram nobis vos intendunt convenire bona ipsius defuncti sequestrantes vobis mandamus in virtute obediencie firmiter injungentes quatinus distribucioni bonorum defuncti memorati supersedeatis omnino facientes bona predicta sine dispersione conservari quousque de exitu exaccionum predictarum ad indemni accionem ipsius Ecclesie discussio plenior habeatur pro firmo tenentes quod si contra hoc nostrum mandatum ipsa bona distribuere presumpseritis conquerentibus universis de vobis Auctore Domino plenum nihilominus exhibebimus justicie complementum Exoniensis Ecclesie indemnitati insuper provisuri Et quod in hiis racione previa decrevimus statuendum opitulante Domino faciemus inviolabiliter observari Et qualiter hoc nostrum Mandatum proponitis adimplere per literas vestras patentes harum seriem continentes nobis constare faciatis Datum apud Cheddeleghe in crastino Sancti Georgii Martiris Consecracionis nostre anno primo