Charter Document - 03660008
| Charter Number: | 03660008 |
|---|---|
| Cartulary Title: | The Register of Walter Bronescombe, Bishop of Exeter, 1258-1280. |
| Charter Language: | Latin |
| Charter Origin: | Religious |
| Charter Type(s): | Taxation |
| Date: | 1224 - 1244 |
| Date type: | Assigned |
| Resource Link(s): |
|
Charter:
Omnibus Christi fidelibus ad quos presens Scriptum pervenerit Magister Ricardus Blundus Cancellarius Exonie et Domini Exoniensis Episcopi Officialis et Magister W de Curiton Officialis Domini Archidiaconi Exonie eternam in Domino salutem Noverit Universitas vestra auctoritate Domini Willelmi Exoniensis Episcopi nos taxasse Vicariam Ecclesie de Cadeberi in hunc modum scilicet quod Vicarius qui pro tempore fuerit habebit domos que site sunt infra locum sibi assignatum in Boreali parte vie que ducit de Sanctuario ad Ecclesiam et iiij acras terre in prato adjacente et altalagium integrum cum decimis feni et omnem medietatem garbarum de decimis totius Parochie cum tribus solidis a Priore et Conventu Sancti Nicholai Exoniensis dicto Vicario annuatim solvendis ad Pascha et ad Festum Sancti Michaelis equis porcionibus salva dictis Priori et Conventui altera medietate garbarum de decimis totius parochie salvis et eis omnibus decimis de Sanctuario Ecclesie dicte quod ad eos pertinet et de dominico de Bogeleg tam minimis quam magnis Sustinebit autem dictus Vicarius in dicta Ecclesia omnia onera Episcopalia et Archidiaconalia debita et consueta Et in hujus rei testimonium presens Scriptum sigillorum nostrorum apposicione roboravimus