Charter Document - 03660007
| Charter Number: | 03660007 |
|---|---|
| Cartulary Title: | The Register of Walter Bronescombe, Bishop of Exeter, 1258-1280. |
| Charter Language: | Latin |
| Charter Origin: | Religious |
| Charter Type(s): | Ordination |
| Date: | 1224 - 1244 |
| Date type: | Assigned |
| Resource Link(s): |
|
Charter:
Omnibus Christi fidelibus ad quos presens Scriptum pervenerit Willelmus Divina miseracione Exoniensis Episcopus salutem in Domino Noverit Universitas vestra quod nos inspecta Indulgencia felicis memorie Honorii Pape Tertii Venerabili Patri Episcopo Sarumensi et ejusdem loci Capitulo super Prebenda de Teynton quam habuit Ecclesia Sarumensis concessa de [] Patris Domini Robertus Sarumensis Episcopi et ejusdem loci Capituli dicte Prebende patronorum Ordinacioni nostre sponte se subiciencium dampno Ecclesie nostre Exoniensis et necessitate Ecclesie Sarumensis et concessione hujus sicut decuit ponderatis conjuncto discretorum et Deum timentium consilio de Ecclesiis ad dictam Prebendam spectantibus invocata Spiritus Sancti gracia ordinavimus in hunc modum videlicet quod Ecclesia de Teington cum Capella de Teinngweke et ecclesia de Yealmintton cum Capella sua et omnibus bonis ad dictas Ecclesias et Capellas spectantibus de cetero sint Prebendarie et eas Episcopi Sarumenses qui pro tempore [fuerint] cum vacaverint futuris et perpetuis temporibus conferant ut patroni ita tamen quod [a] nobis et successoribus nostris instituatur is cui fuerit collata Prebenda supradicta salvis competentibus vicariis Ecclesie vero de Kenton et Affington cum earum Capellis et proventibus et bonis quibuscumque ad eas pertinentibus cedant in perpetuos usus quotidiane distribucionis Canonicorum Exoniensis Ecclesie pro recompensacione multiplicis lesionis quam sustinet Ecclesia nostra Exoniensis ex concessione supradicta Et ut hec nostra Ordinacio rata et stabilita et inconcussa permaneat inperpetuum presenti Scripto sigillum nostrum una cum Venerabilis Patris Episcopi Sarumensis et Capitulorum Sarum et Exon sigillis apponi fecimus