Charter Document - 03660006
| Charter Number: | 03660006 |
|---|---|
| Cartulary Title: | The Register of Walter Bronescombe, Bishop of Exeter, 1258-1280. |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1240 |
| Date type: | Internal, A.D., Episcopal |
| Resource Link(s): |
|
Charter:
Omnibus Sancte Matris Ecclesie filiis ad quos Litere presentes pervenerint Willelmus Dei gracia Exoniensis Ecclesie Minister humilis salutem in salutis Auctore Noverit Universitas vestra nos Divine caritatis intuitu et pro salute anime nostre et antecessorum et successorum nostrorum Exoniensis Ecclesie Episcoporum dedisse concessisse et hac presenti Carta mea confirmasse in liberam puram et perpetuam elemosinam Deo et Reclusorio quod in honore Gloriose Virginis Marie fundavimus et dedicavimus juxta Capellam Sancti Laurencii in novo Burgo nostro de Criditone et Fratri Nicholao illius Loci primo Incluso et omnibus successoribus suis ibidem Deo servientibus totum jus quod habemus vel nos vel successores nostri Exoniensis Episcopi habere poterimus in terra que vocatur Mons Joscelini in Manerio nostro de Criditone salvis octo solidis sterlingorum nobis et successoribus nostris annuatim de predicta terra persolvendis In cujus rei testimonium presenti Carte nostre sigillum nostrum duximus apponendum Datum apud Criditone Manerium nostrum tercio nonas Decembris Anno Gracie MCCXL secundo Consecracionis nostre nono decimo coram Domino Thome Archidiacono Tottonie Domino Henrico Thesaurario Criditonie et Canonico Exonie Magistro Rogero de Toriz et Domino Martino Prodhumme Exonie Canonicis Domino Benjamin et Domino Thome Capellano Criditonie Canonicis Domino Thome de Tetteburne Milite Willelmo le Pruz juniore Laurencio filio Ricardi Johanne filio Andree et multis allis