Charter Document - 03660005
| Charter Number: | 03660005 |
|---|---|
| Cartulary Title: | The Register of Walter Bronescombe, Bishop of Exeter, 1258-1280. |
| Charter Language: | Latin |
| Charter Origin: | Religious |
| Charter Type(s): | Agreement |
| Date: | 1236 |
| Date type: | Internal, A.D. |
| Resource Link(s): |
|
Charter:
Hec est Convencio inter Priorem et Conventum Sancti Nicholai Exoniensis ex una parte et Julianum Rectorem Ecclesie de Torverton ex altera super decima molendini de Godclyve siti in parochia de Torverton unde lis fuit mota inter eosdem auctoritate Litterarum Domini Pape Super quibus predicti Prior et Conventus quam diu molendinum in predicto loco fuerit solvent nomine decime Ecclesie Torverton vj denarios Omnibus Christi fidelibus ad quos Scriptum presens pervenerit Frater Marcus humilis Prior Montis Acuti et ejusdem Loci Conventus eternam in Domino salutem Noverit universitas vestra nos caritatis intuitu de communi voluntate nostra necnon Domini Abbatis Cluniacencis assensu dedisse concessisse et hac presenti Carta nostra confirmasse Deo et Ecclesie Beate Virginis Marie et Beatorum Apostolorum Petri et Pauli et Venerabili Patri Domino Willelmo Exoniensi Episcopo et ejus successoribus quicquid juris unquam habuimus aliquo tempore preterito vel in posterum aliquo casu habere possemus in Ecclesia Sancti Karentoci in Cornubia cum omnibus pertinenciis suis nullo nobis jure penitus in eadem reservato habendam et tenendam Domino Willelmo et ejus successoribus Exoniensis Ecclesie Episcopis libere quiete integre et pacifice inperpetuum Dedimus eciam et concessimus et hac presenti Carta nostra confirmavimus Deo et Ecclesie Beate Virginia Marie et Beatorum Apostolorum Petri et Pauli et Canonicis Beati Petri Exoniensis de communi consilio et voluntate nostra necnon et assensu Domini Abbatis Cluniacensis Ecclesiam de Alternon in Cornubia cum omnibus suis pertinenciis et quicquid juris unquam in eadem aliquo titulo vel nomine habuimus vel in posterum quocumque nomine habere possemus nichil nobis penitus in eadem Ecclesia vel ejus pertinenciis reservantes tenendam et habendam predicto Capitulo Exoniensi in perpetuum libere quiete integre et pacifice cum omnibus rebus ad eam pertinentibus usibus illis scilicet profuturam ad quos Dominus Willelmus Exoniensis Episcopus et Capitulum Exoniense de communi eorum voluntate et assensu illam duxerint deputandam In cujus rei perpetuam firmitatem et confirmacionem presens Scriptum sigillis nostris duximus roborandum Actum Anno Gracie Millesimo ducentesimo tricesimo sexto Mense Julii