Charter Document - 03660004

Hec est Composicio facta coram Domino S[imone de Apulia] Exoniensi Episcopo inter Priorem et Conventum Sancti Nicholai Exoniensis ex una parte et Richardum de Cruis Militem ex altera super servicio Capelle de Netherex unde lis vertebatur inter eos scilicet quod predictus Prior et Conventus Sancti Nicholai concesserunt Capellano in Capella predicta ministraturo omnes decimas et obvenciones de terra predicti Richardi et hominum suorum de Netherex et omnia que ad Capellam pertinent vel pertinere possunt in omnibus salva sepultura mortuorum Matrici Ecclesie de Bramford Et de predictis decimis et obvencionibus Capellanus debet solvere singulis annis Matrici Ecclesie de Bramford xx solidos ad iv anni terminos scilicet ad Festum Sancti Michaelis v solidos ad Natale Domini v solidos ad Pascha v solidos ad Festum Sancti Johannis v solidos Sin prefatus Capellanus statutis terminis prefatum censum non persolverit cessabunt Capellanus in Capella quoadusque satisfecerint Matrici Ecclesie de Bramford Richardus vero de Cruis presentabit idoneum Capellanum Priori et Conventui qui predicte Capelle debeat deservire Et Capellanus predictus tam Richardo quam hominibus suis Spiritualia tenetur impendere in vita ejusdem Richardi post cujus decessum si Prior et Conventus eandem Convencionem heredibus prefati Richardi velint observare Convencio stabilis et rata permaneat sin autem antiqum et debitum servicium fiet in predicta Capella sicut solet ut tenetur videlicet Die Dominica Die Mercurii et Die Veneris quod omnibus Diebus Festivis quibus cantatur Credo et per predictum servicium faciendum atque omnes decime et obvenciones de Netherex ad Matricem Ecclesiam de Bramford revertentur Et ut hec predicta magis rata sint et stabilia redacta sunt in scripturam ad modum cyrographi confectam et auctenticis sigillis Partium utrimque corroboratam Hiis Testibus Roberto de Courtney Reginaldo de Courtnay fratre ejus H[enrico de Molesiis] archidiacono Exonie Radulpho Archidiacono Barnastapolie Magistro Isaac Magistro H[enrico] de Warwick Magistro Hugone de Wilton Thome Maudut Canonicis Exonie Teucio de Briun Rogero de la Wurye Militibus Magistro R de Crolond Magistro Willelmo de Lingiuer Ricardo Birrie Willelmo Vicario Magistri Eustachii clericis et aliis