Charter Document - 03650001
| Charter Number: | 03650001 |
|---|---|
| Cartulary Title: | The History and Antiquities of the County of Leicester. V.2 Part 2. Gartree Hundred. [Owston] |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1150 - 1161 |
| Date type: | Assigned |
| Resource Link(s): |
|
Charter:
Notum sit omnibus sancte matris ecclesie fidelibus clericis et laicis tam futuris quam presentibus quod ego Robertus Grimbald in nomine Sancte Trinitatis pro salute anime mee patris mei et matris mee uxoris mee et filiorum asque parentum omnium do et concedo et presentis carte mee testimonio confirmo in puram et perpetuam elemosinam ad honorem Domini nostri Jesu Christi et Sancte Marie et Sancti Andree apostoli et omnium sanctorum ecclesiam de Osolveston et ipsam villam totam sine ullo cum omnibus pertinentiis suis in campis in silvis in aquis in pratis in pascuis et in omnibus rebus et libertatibus predicte ecclesie et ville adjacentibus et secundum ordinem Haghmonensis ecclesie viventibus ad sustentationem suam liberam et quietam ab omni servicio et redditu et exactione seculari Ego vero et heredes mei predictam elemosinam meam scilicet villam et ecclesiam de Osolveston versus omnes homines ab omni exactione warantizabimus et adquietabimus Ne quis autem heredum meorum predictis canonicis super donatione mea predicta et libertatibus caritative concessis perturbationem aliquam sive molestiam injuste possit ingerere eam sigilli mei impressione et fidelium virorum testimonio roborare curavi Hiis testibus Simone comite Hugone et Willielmo Grimbald fratribus meis Radulfo filio Wimundi Simone Camerario Willielmo Burdet Simone filio Petri Ricardo de Oxenden Fulcone de Lisurs Rob filio Hugonis Willelmo de Baketone et multis aliis