Charter Document - 03639562

Vniuersis Cristi fidelibus presentem cartam visuris vel audituris magister Hamo filius Rogeri Doge salutem in Domino Nouerit vniuersitas vestra me dedisse concessisse et presenti carta mea confirmasse in perpetuam et liberam elemosinam Deo et beate Marie et sancto Iohanni Baptiste et omnibus sanctis ad sustentacionem vnius capellani diuina celebrantis in perpetuum ad altare beati Iohannis Baptiste in ecclesia sancti Pauli Cantuarie pro anima mea et pro animabus parentum et benefactorum et amicorum meorum pro domino Rogero de Cicestr[] abbate sancti Augustini Cantuarie et successoribus suis et conuentu eiusdem loci et benefactoribus suis et eorum successoribus pro anima Roberti de Wallom[] pro anima Iohannis Chich[] et Amicie vxoris sue et pro parochianis eiusdem ecclesie et pro omnibus fidelibus viuis et defunctis vnum mesuagium cum edificiis desuper constructis et aliis pertinenciis suis quod quidem mesuagium iacet in noua strata in parochia sancti Pauli Cantuarie inter terram Alicie de Cycestr[] versus west et regiam stratam versus east Et preterea dedi et concessi et presenti carta mea confirmaui ad sustentacionem dicti capellani totum tenementum meum quod habui apud Steuerling[] de tenementis que fuerunt quondam Hamonis le Porere et Iohannis le Porere et Radulphi filii Hugonis le Porere et Ranulphi de Bruere et fratris sui Preterea dedi concessi et presenti carta mea confirmaui ad sustentacionem predicti capellani totum tenementum cum suis pertinenciis quod habui de donis Stephani de Rissindun[] et Walteri le Despenser de terris et tenementis que fuerunt quondam Iocei le Pitancer in Byle et Ergarefelde et apud Steuerling[] et in parochiis de Stodmerse et de Lithleburn[] et totum pratum meum de Wademede cum omnibus aysiamentis et pertinenciis suis et totum tenementum illud cum releuiis curie sectis et pertinenciis quod habui de dono Iohannis de Criel apud Nitherhardres et totum tenementum illud cum releuiis curie sectis et aliis suis pertinenciis quod habui de dono Matilde de Crioll[] apud Nitherhardres et decem et octo denarios annui liberi redditus mei cum releuiis et omnibus pertinenciis suis quos percipere consueui de Iohanne filio Iohannis Terri de quodam mesuagio in parochia beate Marie de castro Cantuarie quod iacet iuxta terram rectoris ecclesie supradicte in cornera et duos solidos annui redditus liberi cum releuiis et omnibus suis pertinenciis quos michi ferre consueuit Alicia de Cycestr[] de domo sua in parochia sancti Pauli Cantuarie apud Lodderestane et totum annuum redditum cum releuiis et omnibus aliis pertinenciis suis quem michi reddere consueuit Salomon le Hune de quadam terra iacente iuxta mesuagium predicti capellani percipiendo totum predictum redditum cum pertinenciis suis et aliis iuribus suis in eisdem locis et terminis sicut ego percipere debui seu consueui habend et tenend predictum mesuagium terras res et redditus tenementa cum omnibus pertinenciis suis vt in terris edificiis mesuagiis semitis viis planis pascuis et pasturis eisiamentis releuiis curie sectis et eschaetis wardis maritagiis et omnibus aliis iuribus libertatibus et casibus tam nominatis quam non nominatis absque vllo retenemento predicto capellano et successoribus suis de me et heredibus meis libere quiete pacifice plenarie in liberam et perpetuam elemosinam in perpetuum faciendo inde dominis fundorum pro me et heredibus meis omnia seruicia inde debita et consueta Et in creacione cuiuslibet noui capellani et perpetui ad predictam cantariam admissi idem capellanus soluet abbati et conuentui sancti Augustini Cantuarie releuia de omnibus terris et tenementis que de ipsis tenuerit in capite Et ego magister Hamo et heredes mei warantizabimus omnia predicta tenementa cum pertinenciis suis vt predictum est predicto capellano et successoribus suis contra omnes homines et feminas in perpetuum Ius vero presentandi seu eligendi seu nominandi seu conferendi et in corporalem possessionem inducendi et manutenend dictum capellanum in perpetuum parochianis sancti Pauli Cantuarie et eorum successoribus dedi concessi et presenti carta in perpetuum confirmaui Cedente vero vel decedente dicto capellano et eius successoribus parochiani eiusdem ecclesie aliquo die Dominico vel festiuo post dictam vacacionem ad ecclesiam predictam venientes absque vlla citacione vel vocacione vel monicione comparochianorum suorum in aliquem capellanum ydoneum conscentient vel eligent vel nominabunt vel maior pars parochianorum tunc presencium et eidem capellano in quem consenserint vel ipsi nominauerint vel elegerint omnia predicta tenementa conferent supradictis modo et forma et eundem in corporalem possessionem predictorum inducent ita tamen quod me superstite nullum eligant vel nominent seu in corporalem possessionem inducent sine consensu meo speciali sed illum recipient et inducent quem eis duxero nominandum Capellanus vero admissus iurabit residenciam personalem et fidelitatem ecclesie sancti Pauli predicte nec licebit dicto capellano annuale vel triennale recipere de parochia predicta sine licencia dicte ecclesie rectorum sed omnes oblaciones ad dictum altare peruenientes spectabunt ad presbiterum parochialem exceptis vestimentis et luminaribus et ornamentis ad fabricam vel ad ornatum dicti altaris collatis vel conferendis oblatis vel offerendis et exceptis specialiter legatis dicto capellano et eius successoribus que eis licebit recipere [et] retinere vndecumque prouenerint Nec licebit dicto capellano vel successoribus suis domos vel arbores ad predictam cantariam spectantes strepare vel eradicare nisi ad emendacionem predicti tenementi nec aliquod de tenementis ad predictam cantariam spectantibus ad firmam tradere vel alienare sed in manu propria retinere Vacante vero predicta cantaria procuratores ecclesie sancti Pauli ad fabricam ecclesie assignati in manibus suis omnia tenementa et bona immobilia ornamenta et vestimenta ad dictam cantariam spectancia tenebunt et capellano proximo succedenti cum fructibus medio tempore perceptis fideliter restituent Hoc prouiso quod predicta cantaria per vacacionem debitis non defraudetur obsequiis nec licebit rectoribus vel vicariis ecclesie dicte in tenemento vel rebus ad dictam cantariam [pertinentibus se] intromittere vel aliquid iuris vel proprietatis seu possessionis vendicare Et si contigerit quod absit quod parochiani ecclesie predicte negligentes fuerint in presentando instituendo et in corporalem possessionem inducendo cum eis de vacacione legitime constiterit et canonice moniti fuerint vel propter discordiam concordare non possent in personam ydoneam licebit domino [] abbati sancti Augustini Cantuarie qui pro tempore fuerit ea vice alium ydoneum instituere salua dictis parochianis potestate cum proximo postea vacauerit alium ydoneum vt predictum est nominare vel presentare seu eligere seu in corporalem possessionem inducere Nec licebit alicui predictam cantariam a predicto altare ad alium locum transferre vel tenementa vel bona ad dictam cantariam spectancia in alios vsus commutare sine licencia mea quamdiu vixero speciali et post mortem meam in alios vsus vel locum nullatenus commutetur Et sciendum est quod dictus capellanus qui pro tempore fuerit in quolibet festo beate Marie Virginis in capella quam construxi in honore beate Marie Virginis in capitali mesuagio meo in noua strata in parochia sancti Pauli in perpetuum celebrabit omnia diuina vel faciet honeste celebrari tam in horis canonicis quam in missa Et vt hec omnia perpetuum robur firmitatis optineant huic carte sigillum meum vna cum sigillo officialitatis domini archidiaconi Cantuariensis apposui Actum et datum die Dominica proxima post festum sancte Fidis anno Domini mcc sexagesimo sexto Hiis testibus domino Henrico de Burne milite Roberto decano Cantuarie vicario de Westgate Hugone Chiche Stephano fratre suo Eudone dicto Pollard Galfrido de Bertonia Stephano dicto Plumer[] capellano Henrico fratre suo Salomone de Douoria capellano Galfrido de Sancto Georgio capellano Radulfo de Burne Symone de Alethonc clericis et aliis