Charter Document - 03633569
| Charter Number: | 03633569 |
|---|---|
| Cartulary Title: | The Register of St. Augustines Abbey Canterbury |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1277 |
| Date type: | Internal, Regnal, Feast |
| Resource Link(s): |
|
Charter:
Vniuersis ad quos presens carta peruenerit Nicholaus abbas sancti Augustini Cantuarie et eiusdem loci conuentus salutem in Domino Noueritis nos dedisse concessisse et presenti carta nostra cyrographata confirmasse Philippo de Stureye clerico totum illud mesuagium nostrum cum domibus et aliis suis pertinenciis quod habuimus de dono Edmundi de Cambio in Cantuaria apud Weterloke in parochia beate Marie de Norhtgate inter terram Wymundi de Weterloke et terram Ricardi de Wikere habend et tenend totum predictum mesuagium cum domibus et aliis suis pertinenciis de nobis et successoribus nostris predicto Philippo et heredibus suis vel cuicumque dare vendere legare vel assignare voluerint preterquam domui religionis et Iudeis libere quiete integre iure hereditario inperpetuum reddendo inde per annum nobis et successoribus nostris in thesauraria nostra octodecim solidos ad quatuor anni terminos videlicet ad festum sancti Michaelis quatuor solidos et sex denarios ad Nathale Domini quatuor solidos et sex denarios ad Pascha quatuor solidos et sex denarios et ad festum sancti Iohannis Baptiste quatuor solidos et sex denarios pro omnibus seruiciis consuetudinibus curie sectis et demandis temporalibus ad nos vel ad successores nostros inde spectantibus Et nos predicti abbas et conuentus et successores nostri warantizabimus totum predictum mesuagium cum domibus et aliis suis pertinenciis prefato Philippo et heredibus suis vel assignatis contra omnes gentes inperpetuum per predictum liberum seruicium Et dictus Philippus volens nos inperpetuum de predictis octodecim solidis facere securos assignauit et obligauit quatuordecim acras terre sue cum pertinenciis quicumque eas in posterum tenuerint in tenura nostra de Stureye nobis et successoribus nostris inperpetuum fore distringibiles vna cum mesuagio predicto pro redditu prenominato in toto vel in parte terminis statutis non soluto vnde quatuor acre et dimidia iacent inter boscum Alfredi le Sedere et terram heredum Willelmi Eyldredi et due acre cum pertinenciis iacent inter terram dicti Alfredi et terram Alani de Stureye et due acre cum pertinenciis iacent apud Tyxlynge inter terram dicti Alfredi et terram Willelmi de Puer[] et tres acre et dimidia cum pertinenciis iacent inter terram que vocatur Fikettesland et regiam stratam et due acre cum pertinenciis iacent ex opposito dicte terre inter dictam stratam et terram Ade Godesman Ad que omnia fideliter inperpetuum roboranda tam nos dicti abbas et conuentus sigillum nostrum commune quam dictus Philippus sigillum suum proprium presenti carte cirographate alternatim apposuimus Data in festo sancti Petri Aduincula anno regni regis Edwardi filii regis Henrici quinto Hiis testibus
Source (click image below to view full size)
