Charter Document - 03633567

Omnibus Cristi fidelibus presentem cartam visuris vel audituris Rogerus Dei gracia abbas sancti Augustini Cantuarie et eiusdem loci conuentus salutem in Domino sempiternam Nouerit vniuersitas vestra nos dedisse concessisse [et] pro nobis et successoribus nostris in perpetuum quietum clamasse Hamoni filio Rogeri Doge et heredibus suis et suis assignatis vnum mesuagium cum edificiis desuper constructis et aliis pertinenciis suis et vnam dimidiam acram terre cum pertinenciis suis in Bile que habuimus et tenuimus per manus elemosinarii nostri quod quidem mesuagium iacet in noua strata in parochia sancti Pauli Cantuarie inter regiam stratam versus east et mesuagium quod fuit Willelmi de Flengesham versus suth et continet in sua longitudine iuxta regiam stratam quinque parcatas et quinque pedes et in sua latitudine tres parcatas et sex pedes et dimidia acra terre cum pertinenciis suis iacet in Bile inter terram que fuit Willelmi Cokin et terram Willelmi de Brussole et terram que fuit Willelmi de Flengesham Preterea concessimus et dimisimus [et] pro nobis et successoribus nostris in perpetuum quietos clamauimus eidem Hamoni et heredibus suis et suis assignatis quadraginta et quatuor denarios annui liberi redditus nostri cum releuiis et omnibus aliis pertinenciis suis quos percipere consueuimus annuatim per manus elemosinarii nostri videlicet sexdecim denarios de quodam mesuagio quod fuit Willelmi de Flengesham in noua strata in parochia sancti Pauli Cantuarie iuxta terram Salomonis de Burgate et decem denarios de quodam mesuagio quod fuit Alexandri Gardiner in noua strata iuxta domum que fuit Thome Pil et decem et octo denarios de quadam terra que fuit Willelmi de Flenghesham in campo qui vocatur Bile inter terram que fuit Willelmi Cockin et regiam stratam habend et tenend dicto Hamoni et heredibus suis et suis assignatis libere quiete pacifice iure hereditario in perpetuum ita quod nec nos nec successores nostri aliquid iuris proprietatis seu dominii in predictis terris et tenementis de cetero poterimus vendicare Et nos et successores nostri predicta videlicet mesuagium cum edificiis desuper constructis et aliis pertinenciis suis et dimidiam acram terre et quadraginta quatuor denarios redditus cum releuiis et escaetis et aliis pertinenciis suis eidem Hamoni et heredibus suis et suis assignatis warantizabimus et defendemus contra omnes Pro hac autem donacione concessione et warantia et quieta clamancia et huius carte nostre confirmacione facta et sigillo capituli nostri confirmata assignauit nobis dictus Hamo ad vsus elemosinarii nostri quatuor acras terre cum pertinenciis que fuerunt Thome de Bethleshangre in tenura de Northburn[] iuxta terram elemosinarii nostri et vnam dimidiam acram terre cum pertinenciis in Bile que fuit quondam Ricardi Lamb iuxta terram Laurencii de Fonte sicut in cartis inde confectis plenius continetur Datum et actum publice in capitulo nostro mense Nouembris anno Incarnacionis Dominice mcclx octauo