Charter Document - 03631376
| Charter Number: | 03631376 |
|---|---|
| Cartulary Title: | The Register of St. Augustines Abbey Canterbury |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1244 |
| Date type: | Internal, A.D. |
| Resource Link(s): |
|
Charter:
Omnibus sancte matris ecclesie filiis presentes litteras visuris vel audituris Robertus dei gracia abbas sancti Augustini Cantuarie et eiusdem loci conuentus humiliter salutem in domino sempiternam Ad vniuersitatis vestre noticiam volumus peruenire Nos diuine pietatis intuitu ad instanciam viri venerabilis et amici nostri karissimi magistri Simonis de Langeton archidiaconi Cantuarie ecclesiam sancte Marie de Stodmersch que ad nostram pertinuit donacionem perpetuo concessisse et dedisse hospitali pauperum sacerdotum quod situm est in parochia nostra de sancta Margareta in Cantuaria ad sustentacionem eorundem cum prouenientibus quatuor acrarum singulis annis de dominico nostro de Stodmersch antiquo more de gracia nostra speciali percipiendis Hoc adiecto quod in dicta parochia nullas terras vel redditus de nostris tenentibus dicti sacerdotes vel eorum procuratores ement vel aliquo titulo sibi appropriabunt nisi de nostra vel successorum nostrorum licencia speciali nec decimas aliquas de dominico nostro de Stodmersch requirent in futuro quando autem dictam eis fecimus donacionem sindicus dicti hospitalis de voluntate dicti archidiaconi memorati nomine dictorum sacerdotum et hospitalis supradicti nobis et ecclesie sacramentum prestitit fidelitatis et hoc idem facient omnes sui successores Dictus autem procurator vel aliquis sacerdotum hospitalis supradicti omni anno super maius altare in ecclesia nostra in die sancti Augustini vnum cereum offeret vnius libri in signum recognicionis premissarum Et vt hec omnia perpetuum robur optineant presenti scripto cirografato sigillum capituli nostri cum sigillis archidiaconi et Rogeri clerici de Lyndestede procuratoris tune temporis predictorum sacerdotum altrinsecus fecimus apponi Actum anno Domini millesimo ducentesimo quadragesimo quarto
Source (click image below to view full size)
