Charter Document - 03630570
| Charter Number: | 03630570 |
|---|---|
| Cartulary Title: | The Register of St. Augustines Abbey Canterbury |
| Charter Language: | Latin |
| Charter Origin: | Religious |
| Charter Type(s): | Agreement |
| Date: | 1276 |
| Date type: | Internal, Feast, Regnal |
| Resource Link(s): |
|
Charter:
Nouerint vniuersi ad quos presens carta cyrographata peruenerit quod cum contenciones mote essent inter Nicholaum dei gracia abbatem sancti Augustini Cantuarie et eiusdem loci conuentum ex parte vna et Radulfum filium et heredem domini Radulfi de Heure militis ex altera de hoc quod prefati abbas et conuentus exigebant a prenominato Radulfo quod faceret eis homagium releuium subsidium et sectam curie abbacie sancti Augustini Cantuarie de tribus septimanis in tres septimanas pro quadam terra quam idem Radulfus de ipsis tenet in parochia de Heure que dicitur Plummere Parroc et que omnia seruicia predicta prefatus Radulfus eis recognouit excepta secta curie quam in parte dedixit tandem composicione amicabili interueniente contenciones inde mote sub hac forma conquieuerunt videlicet quod predicti abbas et conuentus pro se et successoribus suis concesserunt predicto Radulfo totam prenominatam terram cum pertinenciis tenere sibi et heredibus suis de ipsis et eorum successoribus iure hereditario imperpetuum per seruicium quarte partis feodi vnius militis homagium releuium et subsidium inde facienda cum acciderint et reddendo in thesauraria eorum sancti Augustini quatuor solidos redditus per annum vnam medietatem scilicet in termino sancti Michaelis et alteram medietatem in termino Pasche et pro aumentacione eiusdem redditus prenominati abbas et conuentus pro se et successoribus suis remiserunt et quietumclamauerunt predicto Radulfo et heredibus suis demandam secte curie predicte vsque ad duas sectas per annum ita quod idem Radulfus et heredes sui vnam sectam faciant apud sanctum Augustinum Cantuarie ad proximam curiam post festum sancti Michaelis et alteram ad proximam curiam post Pascha Et si contigerit eundem Radulfum vel heredes suos ad aliquam predictarum curiarum essoniari warantia fiat inde in proxima curia sequenti Et vt hec omnia predicta perpetuis temporibus stabilia permaneant sigilla parcium presenti carte cyrographate altrinsecus sunt appensa Hiis testibus Henrico de Ledes tunc seneschallo sancti Augustini Salomone de Campo Simone Paable Thoma le Vsser Simone de Chelesfeld Ricardo Blundel Radulfo de Garwinton[] Anselmo de Ripple Roberto le Paneter Willelmo de Cocfeld et aliis In festo Exaltacionis Sancte Crucis anno regni regis Edwardi filii regis Henrici quarto
Source (click image below to view full size)
