Charter Document - 03630532
| Charter Number: | 03630532 |
|---|---|
| Cartulary Title: | The Register of St. Augustines Abbey Canterbury |
| Charter Language: | Latin |
| Charter Origin: | Religious |
| Charter Type(s): | Quitclaim |
| Date: | 1289 |
| Date type: | Internal, Regnal, Feast |
| Resource Link(s): |
|
Charter:
Omnibus Cristi fidelibus presentem cartam visuris vel audituris Stephanus de Pencestre eternam in Domino salutem Cum manerium de Sybertyswelde quod est de baronia sancti Augustini Cantuarie et de hereditate filiarum et heredum domini Walteri de Wyngham de domino abbate sancti Augustini Cantuarie et ecclesia sua sancti Augustini per seruicium militare homagium sectam curie sue sancti Augustini Cantuarie de tribus septimanis in tres septimanas faciendam et per viginti quatuor solidos annuos tenuissem ita quod inter prefatas filias et heredes dicti domini Walteri de Wyngham et ipsum abbatem et ecclesiam suam inde medius extitissem volens eidem abbati et suo conuentui et ecclesie sue sancti Augustini graciam facere specialem homagium fidelitatem et totum seruicium a prefatis heredibus aliquando michi debitum vna cum custodiis releuiis maritagiis sectis escaetis et aliis de dicto tenemento de Sibertyswelde emergentibus dictis abbati et conuentui et eorum successoribus reddidi remisi et quietumclamaui absque vllo retenemento mei vel heredum meorum imperpetuum In quorum omnium testimonium presenti carte sigillum meum apposui Hiis testibus domino Rogero de Tylmanestone domino Henrico de Apeldrefeud domino Henrico Pyrot domino Alano de Twytham militibus domino Henrico de Ledes domino Henrico de Kemesynge Willelmo de Hawte Nicholao de Bere Iohanne Payable Philippo de Stureya Willelmo de Cokfeud Willelmo de Honkynge Iohanne clerico et multis aliis Data apud Cantuariam die Mercurii proximo post festum sancti Valentini anno regni regis Edwardi filii regis Henrici septimo decimo Volo insuper et concedo quod inter prefatum abbatem et ecclesiam suam predictam et feodum suum prenominatum nullus de cetero remaneat medius sed predictum tenementum cum pertinenciis de prefato abbate et ecclesia sua predicta de cetero teneatur in capite per seruicium predictum imperpetuum
Source (click image below to view full size)
