Charter Document - 03630453
| Charter Number: | 03630453 |
|---|---|
| Cartulary Title: | The Register of St. Augustines Abbey Canterbury |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1247 |
| Date type: | Internal, A.D. |
| Resource Link(s): |
|
Charter:
Omnibus Cristi fidelibus presens scriptum visuris vel audituris Robertus Dei gracia abbas sancti Augustini Cantuarie et eiusdem loci conuentus salutem eternam in Domino Nouerit vniuersitas vestra quod cum Adam de Cliueshend filius Iohannis de Cliueshend et Emme de Molendino dedisset nobis xiiij acras terre in Bekelestun[] de tenemento nostro de Litleburn[] in puram et perpetuam elemosinam secundum tenorem carte sue quam de predicta terra nobis fecit perpetuo possidendas Nos pro gracia sua gratanter eum respicere volentes concessimus eidem Ade omnibus diebus vite sue victui suo necessaria infra septa monasterii vel extra in maneriis nostris perpetuo recipienda ita quod dum sanus fuerit et compos sui seruiet et administrabit intus vel foris loco vnius seruientis in seruicio sibi conuenienti Si vero infirmus fuerit vel pre senectute vel alio casu sui incompos nichilominus vel eo amplius ad exemplificandum aliis habebit in die vnum panem qui vocatur escendu et duo fercula de coquina qualia habent seruientes in aula qui sunt ad panem prenominatum Habebit eciam vnum panem qui vocatur smalpeys et vnum ferculum de quoquina qualem habent seruientes in aula qui sunt ad smalpeys et tres lagenas ceruisie mixte Ad vestitum autem ipsius quoad vixerit et ad calciamenta et ad pannos lineos dabimus ei singulis annis in duobus anni terminis xx solidos sterlingorum scilicet ad festum Omnium Sanctorum x solidos et ad Ascensionem Domini x solidos et per manum custodis de Woxestun[] denarii persoluentur Quando autem facta fuit dicto Ade ista concessio in capitulo nostro tactis sacrosanctis corporale prestitit sacramentum quod ab illo die in antea omnimodam nobis et ecclesie nostre intus et foris seruabit fidelitatem et quod minime se maritabit nisi nostro ad id assensu interueniente Vnde in testimonium premissorum huic scripto cyrographato sigillum capituli nostri et sigillum Ade memorati apponuntur Actum anno Domini mccxlvij mense Februarii
Source (click image below to view full size)
Markups
Names Markup:
Omnibus Cristi fidelibus presens scriptum visuris vel audituris Robertus Dei gracia abbas sancti Augustini Cantuarie et eiusdem loci conuentus salutem eternam in Domino Nouerit vniuersitas vestra quod cum Adam de Cliueshend filius Iohannis de Cliueshend et Emme de Molendino dedisset nobis xiiijnumeral acras terre in Bekelestun[] de tenemento nostro de Litleburn[] in puram et perpetuam elemosinam secundum tenorem carte sue quam de predicta terra nobis fecit perpetuo possidendas Nos pro gracia sua gratanter eum respicere volentes concessimus eidem Ade omnibus diebus vite sue victui suo necessaria infra septa monasterii vel extra in maneriis nostris perpetuo recipienda ita quod dum sanus fuerit et compos sui seruiet et administrabit intus vel foris loco vnius seruientis in seruicio sibi conuenienti Si vero infirmus fuerit vel pre senectute vel alio casu sui incompos nichilominus vel eo amplius ad exemplificandum aliis habebit in die vnum panem qui vocatur escendu et duo fercula de coquina qualia habent seruientes in aula qui sunt ad panem prenominatum Habebit eciam vnum panem qui vocatur smalpeys et vnum ferculum de quoquina qualem habent seruientes in aula qui sunt ad smalpeys et tres lagenas ceruisie mixte Ad vestitum autem ipsius quoad vixerit et ad calciamenta et ad pannos lineos dabimus ei singulis annis in duobus anni terminis xxnumeral solidos sterlingorum scilicet ad festum Omnium Sanctorum xnumeral solidos et ad Ascensionem Domini xnumeral solidos et per manum custodis de Woxestun[] denarii persoluentur Quando autem facta fuit dicto Ade ista concessio in capitulo nostro tactis sacrosanctis corporale prestitit sacramentum quod ab illo die in antea omnimodam nobis et ecclesie nostre intus et foris seruabit fidelitatem et quod minime se maritabit nisi nostro ad id assensu interueniente Vnde in testimonium premissorum huic scripto cyrographato sigillum capituli nostri et sigillum Ade memorati apponuntur Actum anno Domini mccxlvij mense Februariidate