Charter Document - 03630410
| Charter Number: | 03630410 |
|---|---|
| Cartulary Title: | The Register of St. Augustines Abbey Canterbury |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1208 - 1209 |
| Date type: | Internal, Regnal |
| Resource Link(s): |
|
Charter:
Sciant presentes et futuri quod ego Petrus filius Ricardi de Wischebech[] dedi et concessi et hac presenti carta mea confirmaui abbati et ecclesie sancti Augustini Cantuarie vnam circiter virgatam terre mee in manerio suo de Cistelet super montem de Boytune in qua dominus Rogerus abbas predicte ecclesie sancti Augustini plantauit vnum molendinum ad ventum tenend et habend de me et de heredibus meis in perpetuum reddendo inde annuatim michi et heredibus meis vnam summam ordei contra Natale pro omni seruicio ita quod ego predictus Petrus et heredes mei inueniemus viam omnibus volentibus ad iamdictum molendinum venire tam equitibus quam peditibus et si necesse fuerit cum karecta et karro in longitudine terre mee a publica strata que iacet ante portam Wlstani de Wetindem[] vsque ad ipsum molendinum et pro hac concessione et confirmacione dedit michi prefatus r[] abbas sancti Augustini dimidiam summam ordei in gersumam Et ego predictus Petrus et heredes mei warantizabimus predictam terram et viam abbati et conuentui ecclesie sancti Augustini Cantuarie contra omnes homines et feminas in perpetuum Facta est autem hec mea concessio confirmacio et recordata in curia de Chistelet anno regni regis Iohannis decimo Hiis testibus Reginaldo tunc balliuo de Chistelet Ysaac de Boitun t[] et Andrea de Wischebeche et multis aliis
Source (click image below to view full size)
