Charter Document - 03630381
| Charter Number: | 03630381 |
|---|---|
| Cartulary Title: | The Register of St. Augustines Abbey Canterbury |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1215 - 1216 |
| Date type: | Assigned |
| Resource Link(s): |
|
Charter:
Sciant presentes et futuri quod ego Reginaldus de Cornhell[] filius Reginaldi de Cornhell concessi et dimisi et presenti carta mea confirmaui Deo et ecclesie sancti Augustini Cantuarie et monachis ibidem Deo seruientibus quandam terram quam habui in parochia ecclesie sancti Olaui de Suthwerc inter cymiterium ipsius ecclesie et terram de feodo pontis London[] Que terra continet in fronte iuxta vicum regis australis in latitudine quinquaginta et quatuor vlnas et dimidium quarterium de vlnis ferreis et in capite aquilonis iuxta Tamisiam quinquaginta et vnam vlnam et vnum quarterium de eisdem vlnis et a dicto vico Regis australis extenditur vsque in Tamisiam et superius versus orientem a terra feodi pontis predicti extenditur vsque in Tamisiam scilicet quicquid in dicta [terra] habui in longitudine et latitudine in ligno et lapide in domibus et edeficiis et in rebus cunctis cum omnibus pertinenciis suis in cunctis locis integre habend et tenend prenominatis monachis et successoribus suis de me et heredibus meis in feodo et hereditate libere quiete bene et in pace in perpetuum reddendo inde annuatim michi et heredibus meis pro omni seruicio et exactione et rebus cunctis sex denarios infra quindenam Pasche sine omni occasione saluo seruicio dominorum feodi illius scilicet Rogero Dauier[] et heredibus suis quedam calcaria deaurata per annum ad eundem terminum pro omnibus seruiciis et rebus cunctis Et sciendum quod ego Reginaldus et heredes mei nullo modo poterimus nec debemus predictos monachos nec successores suos nec eorum allinganciam de predicta terra nec domibus nec pertinenciis dehospitari causa me vel heredes meos vel aliquem hominem vel feminam ibidem hospitandi nec amplius inde exigere nec habere nec capere debemus quam predictos sex denarios per annum termino statuto Hanc autem terram predictam cum domibus et cum omnibus pertinenciis suis integre ego Reginaldus et heredes mei prefatis monachis et successoribus suis contra omnes homines et feminas in perpetuum debemus warantizare Pro hac igitur concessione dimissione warantizacione et presentis carte mee confirmacione dicti monachi dederunt michi Reginaldo sexcies viginti marcas sterlingorum ad redimendum me de prisona regis Iohannis ad finem aquietandum quem feci cum Petro Mallay constabulario de Coruo Hiis testibus []
Source (click image below to view full size)
