Charter Document - 03620152
| Charter Number: | 03620152 |
|---|---|
| Cartulary Title: | The Records of the City of Norwich |
| Charter Language: | Latin |
| Charter Origin: | Lay |
| Charter Type(s): | Agreement |
| Date: | 1283 |
| Date type: | Internal, A.D., Feast, Regnal |
| Resource Link(s): |
|
Charter:
Universis Christi fidelibus Presentibus at futuris hanc cartam visuris vel audituris Balliui et communitas ciuium Norwici Salutem in domino sempiternam Nouerit Universitas vestra nos communi assensu assignasse et loco nostro attornasse Walterum de Moutone tabernarium conciuem nostrum ad colligendos annuales redditus nostros spectantes ad pontem de fibrigge in ciuitate predicta et videlicet de ilia schoppa quam Bartholomeus de Acre tenet supra pontem predictum ad caput australe eiusdem pontis quicunque illam schoppam tenuerit duodecim denarios De Mesuagio Willelmi Price in parochia sancte Marie combuste quicumque illud Mesuagium tenuerit quatuor denarios Et de Mesuagio quod Reginaldus Wynter tenet in parochia sancti Salvatoris in Fibriggate quicumque illud Mesuagium tenuerit octo denarios Concessimus eciam eidem Waltero unam schoppam nostram in curia que est inter feodum domus sancte Trinitatis de Norwico versus austrum et feodum Nicholai de Castello versus aquilonem dimittendam ad firmam nomine nostro cuicumque voluerit et omnimoda explicita ex ilia schoppa annuatim proveniencia percipiendum ad comodum et sustentacionem dicti pontis cum necesse fuerit apponenda Ita quod ipse Walterus dictam schoppam nostram sustineat competenter Volumus eciam et concedimus quod predictus Walterus percipiat omnimoda legata et alia quecumque fortunia ad sustentacionem dicti pontis quoquo modo concessa et accidencia Ita quod ipse Walterus competenter et honorifice sustineat dictum pontem in omnibus necessariis tam infra aquam quam extra ut omnes et singuli ibidem transeuntes more solito vel meliori in omnibus negociis eorum valeant pertransire Preteria concessimus bona fide predicto Waltero construere soldas pro voluntate sua supra dictum pontem et calorem ad eundem pontem pertinentem que est versus aquilonem et eciam ultra communem adaquacionem ibidem quatinus eas legitime construere possit omni gravamine alicuius pretermisso De quibus soldis cum constructe fuerint liceat dicto Waltero percipere omnimoda proficua et explicita et inde facere pro voluntate sua ad sustentacionem dicti pontis et ad usus suos proprios sine contradiccione alicuius quamdiu dictum pontem sustentauerit competenter Omnia premissa in omnibus et per omnia prout supradictum est concessimus predicto Waltero et heredibus suis et suis assignatis perpetuo possidenda sine contradiccione nostri vel successorum nostrorum quiete et pacifice quamdiu ipse Walterus vel eius heredes aut assignati pontem prenominatum honorifice et competenter sustentauerint modo supradicto In cuius rei testimonium et securitatem in omnibus prout predictum est presenti scripto commune sigillum nostrum apposuimus Hiis testibus Rogero de Tudenham Willelmo de Refham Waltero Knot Bartholomeo de Acre tunc balliuis Norwici Ade clerico Paulo de Pagrave Jacobo Nade Rogero de Wyleby Rogero de Morlee Johanne Bate Rogero de Penteneye Thoma de Lincoln Willelmo Albon Johanne de Poringlonde Galfrido de Bungeye Willelmo de Burwode Willelmo de Rollesby Willelmo Pikot Willelmo But Vincentio de Kirkebi Johanne de Wroxham Willelmo de Depe Willelmo de Welles Nicholao Champanie Nicholao de la Bothe Odone Mercatore Roberto de Donewico Galfrido le mercer Johanne clerico et aliis Datum ad festum sancti Petri ad vincula Anno domini Millesimo CCLXXX tercio et regni Regis Edwardi filii regis Henrici undecimo