Charter Document - 03620004
| Charter Number: | 03620004 |
|---|---|
| Cartulary Title: | The Records of the City of Norwich |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1194 |
| Date type: | Internal, Regnal |
| Resource Link(s): |
|
Charter:
Ricardus Dei gratia Rex Anglie Dux Normannie Aquitanie Comes Andegavie Archiepiscopis Episcopis Abbatibus Comitibus Baronibus Justiciariis Vicecomitibus Ballivis Ministris et omnibus fidelibus suis Francis et Anglis salutem Sciatis nos concessisse ciuibus nostris Norwici quod nullus eorum placitet extra ciuitatem Norwici de nullo placito preter placita de tenuris exterioribus exceptis monetariis et ministris nostris Concessimus eis eciam quietanciam murdri et gawitam infra ciuitatem et quod nullus eorum faciat duellum et quod de placitis ad coronam pertinentibus se possint disracionare secundum consuetudinem ciuitatis Londonie et quod infra ciuitatem illam nemo hospitetur uel capiat quicquam per uim Hoc eciam eis concessimus quod omnes ciues Norwici sint quieti de thelonio et lestagio per totam Angliam et portus maris et quod nullus de misericordia pecunie iudicetur nisi secundum legem quam habent ciues nostri Londonie et quod in ciuitate illa in nullo placito sit miskenninga et quod husting semel in ebdomada tantum teneatur et quod terras suas et tenuras et vadia sua et debita sua omnia iuste habeant quicunque eis debeat et de terris suis et tenuris que infra ciuitatem sunt rectum eis teneatur secundum consuetudinem ciuitatis et de omnibus debitis suis que accommodata fuerint apud Norwicum et de uadiis ibidem factis placita apud Norwicum teneantur Et si quis in tota Anglia thelonium uel consuetudinem ab hominibus Norwici ceperit postquam a recto defecerit Prepositus Norwici namium inde apud Norwicum capiat Has predictas consuetudines eis concessimus et omnes alias libertates et liberas consuetudines quas habuerunt uel habent ciues nostri Londonie quando meliores uel liberiores habuerunt secundum libertates Londonie et leges ciuitatis Norwici Quare uolumus et firmiter precipimus quod ipsi ciues et heredes eorum hec omnia predicta cum ciuitate et pertinenciis eius hereditarie habeant et teneant de nobis et de heredibus nostris reddendo per annum centum et octo libras esterlingorum numero de Ciuitate Norwici per manum prepositi Norwici ad Scaccarium nostrum in termino Sancti Michaelis Et ciues Norwici faciant prepositos de se per annum qui sint idonei nobis et eis Hiis testibus Herberto Sarisburiensi Electo Willelmo de Sancte Marie ecclesia Decano Moreton Magistro Eustachio Decano Sarisburiensi Magistro Philippa Comite Willelmo Sarisburiensi Gaufrido filio Petri Roberto filio Rogeri Roberto de Tresgoz Dapifero Willelmo de Mallion Willelmo de Stagno Data apud Portesmutam per manum Willelmi de Longo Campo Elyensis Episcopi Cancellarii nostri Quinto die Maii Regni nostri anno quinto
Source (click image below to view full size)
