Charter Document - 03610597
| Charter Number: | 03610597 |
|---|---|
| Cartulary Title: | Cartularium abbathiae de Whiteby [Whitby] |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1308 |
| Date type: | Assigned |
| Resource Link(s): |
Borthwick Institute - Register 7 (f168r) |
Charter:
Willelmus permissione Divine Ebor Archiepiscopus Anglie primas dilecto filio Abbati de Whiteby salutem gratiam et benedictionem De fratre Thoma de Wilmerle monacho Monasterii de Seleby quem ex certis causis in Visitatione nostra de dicto Monacho de ipso compertis ad Monasterium vestrum pro salute [anime] per nostras litteras vobis insinuatas inibi peragenda nos meminimus destinasse non sine vehementi admiratione accepimus hiis diebus quod idem monachus absque nostra licentia contra mandatum nostrum vobis super hoc directum aut sua propria temeritate aut vestra inconsulta facilitate ad suum Monasterium e[] Quocirca vobis in virtute obedientie firmiter injungendo mandamus quatinus eundem monachum quem tanquam inobedientie apostasia respersum ad vos remittimus ad peragendum inter vos alias sibi per nos injunctam penitentiam admittatis Quem insuper tribus diebus in septimana viz die Lune Mercurii et Veneris pro predicte inobedientie nota unam diebus singulis a Presidente recipere volumus disciplinam Et nihilominus ei septa Monasterii egrediendi sine vestra speciali licentia omnem interdicimus facilitatem sub pena excommunicationis majoris quam si contra premissa venerit in ipsius personam [] proferimus in hiis scriptis Vestram autem Domine Abbas inconsultam facilitatem si dicto monacho nobis inconsultis dedistis licentiam [] juxta delicti qualitatem pro loco [] puniamus Valete Datum apud Styvelingflet xii Calend Octobris Pontificatus nostri Anno []