Charter Document - 03610466

Hoc scr[iptum] cyrograffatum testatur quod cum controversia mota fuisset inter viros Relig[iosos] Abb[atem] et Conv[entum] Monasterii de Whiteby et Alexandrum de Percy Militem super quibusdam servitiis que predicti Abb[as] et Conv[entus] ab eodem Alexandro exigent pro manerio de Snetona quod ipse Alexander de eisdem Abb[ate] et Conv[entu] tenet infra libertatem de Whiteby Idem Alexander pro se et her[edibus] suis per pr[esentem] scriptum recognoscit tenere manerium pred[icte] de eisd[em] Abb[ate] et Conv[entu] per eadem serv[itia] per que antecessores sui illud tenuerunt videl[icet] per unam marcam de pred[icto] manerio et per dimidiam marcam pro quodam prato quod vocatur le Newenge per annum faciendo sectam ad curiam ipsorum Abbatis et Conv[entus] de Whiteby apud Whiteby de tribus septimanis in tres septimanas et etiam per servitium inveniendi triginta homines metentes super terram pred[ictorum] Abb[atis] et Conv[entus] in campo de Lairepelle et unum hominem ad custodiendum pannos eorundem per unum diem in autumno quolibet anno ad re pastum ipsorum Abb[atis] et Conv[entus] semel in die cum idem Abbas vespere precedente ad pred[icte] manerium debito modo fuerit premunitus et faciendo serv[itio] quod vocatur Hornegarthe prout antecessores sui facere debuerunt et consueverunt Et quia super homagio quod pred[icti] Abbas et Conv[entus] ab eo exigent et in placito captionis averiorum coram d[omi]no Radulpho de Hengham et sociis suis Justiciariis de Banco pendente placitarum sit usque ad inquisitionem patere tam ex consensu ipsius Alexandri quam pred[ictorum] Abbatis et Conv[entus] vere dicto illius inquisitionis hinc inde concordatum est adquiescere Idem Alexander insuper remisit et qu[ietum] cl[amasse] pred[ictis] Abbati et Conv[entui] omnes actiones quas versus ipsos habuit usque ad diem confectionis pr[esentis] scripti tam ratione vasti manerii sui ut in domibus boscis quateris dum custodiam dicti manerii optinuerunt quam ratione omnimodarum aliarum transgressionum sibi vel suis illatarum obligans se et per pr[esentis] scr[ipti] recognoscens breve de compoto ac omnia alia brevia versus ipsos nomine suo usque ad diem confectionis pres[entis] scripti impetrata sumptibus suis retrahere et penitus adnichilare Abbas etiam et Conv[entus] remiserunt dicto Alexandro omnes actiones quas versus ipsum vel suos ratione cujuscunque transgressionis usque ad diem confect[ionis] pr[esentis] scripti habuerunt et omnia arreragia firmarum defaltarum curie sive servitiorum per ipsum Alexandrum in pr[esente] scripto cognitorum a die quo dictum manerium de Snetona de custodia sua ad manus dicti Alexandri devenit usque ad diem conf[ectionis] pr[esentis] scripti In cujus rei test[imonium] parti pr[esentis] scripti penes dictos Abb[atem] et Conv[entum] residenti dictus Alexander pro se et her[edibus] suis sig[num] suum apposuit ac etiam pred[icti] Abbas et Conv[entus] parti pr[esentis] scr[ipti] penes dictum Alexandrum residenti sig[num] suum commune apposuerunt Hiis testibus Willelmo de Rosels Matheo Dauney et aliis Datum ap[ud] Whiteby die Veneris in f[estum] s[ancti] Hilarii a[nno] regni Reg[is] Edwardi fil[ii] Reg[is] Henrici tricesimo quinto