Charter Document - 03609223
| Charter Number: | 03609223 |
|---|---|
| Cartulary Title: | Registrum Malmesburiense [Malmesbury] |
| Charter Language: | Latin |
| Charter Origin: | Religious |
| Charter Type(s): | Appointment |
| Date: | 1260 |
| Date type: | Internal, A.D., Feast |
| Resource Link(s): |
Reference Document for this Embedded Document |
Charter:
Venerabili patri in Christo et domino Walterus Dei gratia episcopo Exon frater Willelmus miseratione divina Malmesburiensis ecclesie minister humilis salutem et omnem cum summa devotione reverenciam Reverende paternitati vestre innotescat quod nos dilectum fratrem et com monachum nostrum monasterii nostri professum A de B procuratorem nostrum constituimus et ordinavimus ad officiandum et regendum ecclesiam nostrum de Piltone et administrandum bona ad eandem ecclesiam pertinentia et ad disponendum de provenientibus ejusdem ecclesie secundum quod monasterio nostro et eidem ecclesie viderit expedire ratum habiturus et gratum quicquid idem A circa omnia memorata duxerit faciendum quousque istud procuratorium duxerimus revocandum Unde vestre pie paternitati prelibatum A ut nostrum procuratorem hiis litteris patentibus ad memoratum officium presentamus supplicantes humiliter et devote quatinus eundem A juxta officii vestri debitum et consuetudinem circa hoc hucusque optentam benigne admittere dignemini Valeat paternitas vestra in Domino Datum apud Malmesburiam Dominica proxima post festum Sancti Andree apostoli anno Domini MCC sexagesimo
Source (click image below to view full size)
