Charter Document - 03601387
| Charter Number: | 03601387 |
|---|---|
| Cartulary Title: | Registrum Malmesburiense [Malmesbury] |
| Charter Language: | Latin |
| Charter Origin: | Lay |
| Charter Type(s): | Receipt |
| Date: | 1292 |
| Date type: | Internal, Calendar, Regnal |
| Resource Link(s): |
|
Charter:
Omnibus Christi fidelibus ad quos presentes littere pervenerint Edmundus comes Cornubie salutem in Domino sempiternam Cum dilecti nobis in Christo dominus Willelmus abbas de Malmesburia et ejusdem loci conventus de nobis tenuerint villam de Malmesburia ad feodi firmam pro viginti libris sterlingorum nobis annuatim ad festum Pasche et ad festum Sancti Michaelis pro equalibus portionibus persolvendis nos ex veri amoris affectu quem erga predictos abbatem et conventum ac eorum domum gerimus nolentes eisdem occasione predicta per nos seu heredes nostros vel nostros executores processu temporis inquietationem molestiam inferri in aliquo seu gravamen universitati vestre innotescimus per presentes nos predictam firmam annuam viginti librarum de toto tempore nostro integre recepisse usque festum Pasche anno regni regis Edwardi vicesimo primo computatum De qua quidem firma annua de toto tempore nostro usque festum Pasche supradictum penitus quietamus tenore presentium litterarum predictos abbatem et conventum In cujus rei testimonium sigillum nostrum presentibus est appensum Datum London tertio decimo die Junii anno regni regis Edwardi supradicto
Source (click image below to view full size)
