Charter Document - 03601373

Omnibus sancte matris ecclesie filiis et precipue abbatibus et fratribus in Malmesburiensi cenobio nobis successuris frater Willelmus licet indignus Malmesburiensis ecclesie minister humilis salutem in Domino sempiternam Quoniam facta mortalium per temporum variationem et prelatorum mutationem oblivioni de facili traduntur nisi scripture beneficio muniantur ad universitatis vestre notitiam volumus pervenire quod concessimus et assignavimus custodi altaris Beate Marie in ecclesia Sancti Aldhelmi de Malmesburia qui pro tempore fuerit totam terram illam quam habuimus in Parva Scheorstone ex dono Ricardi filii Avicie ac Roberti et Johannis de Pynkeneye que valet per annum unam marcam eidem custodi ad quatuor anni terminos solvendam Et etiam medietatem illius terre que fuit Willelmi Nobelot in villa de Hanekyntone quam habuimus ex dono Willelmi filii Wymundi de Coubrigge et quam Arnaldus de la Forde tenet Reddendo predicto custodi decem solidos ad quatuor anni terminos Ita quod quicunque tenuerint terras predictas teneant illas de predicto custode qui pro tempore fuerit cum omnibus pertinentiis suis et eschetis que predicto custodi aliquo tempore possint accidere ratione predictarum terrarum Concessimus etiam eidem custodi de domo quam Walterus Turfyn levare fecit ex opposito elemosinarie nostre duos solidos ad quatuor anni terminos et etiam duas libras cere annuatim de rectore ecclesie de Somerford percipiendas pro decimis de Somerford Maudut Concessimus etiam et assignavimus eidem custodi sex decem denarios de Rogero Tryok annuatim ad quatuor anni terminos percipiendos de tenemento illo quod situm est ex opposito tenementi quondam Johannis Tryok juxta tenementum Hereberti Badecok subtus parvam portam et de domo quondam Thome le Charpenter in la More versus Boruhtone annuatim tres solidos tantum salvis abbati eschetis inde provenientibus Pro isto vero annuo redditu predicto et predictis duabus libris cere sustinebit custos predicti altaris singulis annis in capella Beate Marie in ecclesia supradicta viginti et quatuor cereos quolibet die ad missam Beate Marie ardendos pro animabus abbatum qui coram dicto altari requiescunt et pro animabus Walteri Galun et Helene uxoris ejus qui quidem cerei quater per annum renovabuntur ita quod quilibet cereus sit de pondere unius libre et dimidie Et in anniversariis abbatum Johannis Galfridi et nostri et predicti Walteri Galun citius quo Dirige incipiatur illuminentur omnes cerei predicti et ardeant quousque illud officium fuerit finitum Et in crastino citius quo missa incepta fuerit omnes cerei illuminentur missa autem celebrata statim extinguantur Et ne ista nostra ordinatio provisio et assignatio ab aliquo possit in posterum irritari vel aliquo modo infirmari ipsam sigillo nostro et sigillo conventus nostri duximus confirmandam sub anathemate firmiter inhibentes ne aliquis successorum nostrorum hanc nostram ordinationem provisionem et assignationem infringere vel infirmare presumat Datum in capitulo nostro Malmesburie die Sabbati proxima ante festum Conversionis Sancti Pauli anno Domini MCC octogesimo septimo De domo Roberti Nywman capellani in Westeport ii solidis Summa xxxi solidos viii denarios et ii libras cere