Charter Document - 03600458
| Charter Number: | 03600458 |
|---|---|
| Cartulary Title: | Registrum Malmesburiense [Malmesbury] |
| Charter Language: | Latin |
| Charter Origin: | Religious |
| Charter Type(s): | Licence, Settlement |
| Date: | 1291 |
| Date type: | Internal, A.D., Calendar |
| Resource Link(s): |
|
Charter:
Omnibus Christi fidelibus presentes litteras inspecturis Johannes permissione divina abbas Glastonie salutem eternam in Domino Cum Willelmus la Wayte de Chippeham et Editha uxor ejus dilectis nobis in Christo fratribus abbati et conventui de Malmesburia duas croftas terre de feodo nostro in Kyntone que vocatur Scherpecroftes juxta Haywode in parte occidentali inter ipsum nemus et terram que fuit Hawysie de Bolehude dederint et carta sua pro se et heredibus suis confirmaverint inperpetuum nolentes predictos abbatem et conventum pro adquisitione predictarum croftarum ratione statuti domini regis gravari seu per nos vel successores nostros aliquod gravamen inferri notum facimus omnibus per presentes quod nos de consensu et voluntate conventus nostri predictis abbati et conventui liberum pro nobis et successoribus nostris concessimus ingressum Habendum et tenendum de nobis et successoribus nostris predictas duas croftas predictis abbati et conventui inperpetuum Reddendo inde annuatim nobis et successoribus nostris unum denarium ad festum Sancti Michaelis pro omni servitio sectis curie et hundredi et omnium secularium exactionum pariter et demandarem Et predicti abbas et conventus de Malmesburia predictas duas croftas haya et fossato prout sibi melius viderint expedire facient includere Et si pro defectu clausture averia predictorum abbatis et conventus Glastonie vel etiam hominum suorum de Kyntone in predictas croftas intraverint et de eisdem inpar cati fuerint non licebit predictis abbati et conventui de Malmesburia emendas inde de nobis nec de hominibus nostris capere In cujus rei testimonium predictis abbati et conventui has litteras nostras fieri fecimus patentes Datum apud Ydemistone pridie idus Septembris anno Domini MCC nonogesimo primo
Source (click image below to view full size)
