Charter Document - 03600443
| Charter Number: | 03600443 |
|---|---|
| Cartulary Title: | Registrum Malmesburiense [Malmesbury] |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1286 |
| Date type: | Internal, A.D., Feast |
| Resource Link(s): |
|
Charter:
Universis Christi fidelibus presens scriptum inspecturis Willelmus Dei gratia abbas Malmesburie et ejusdem loci conventus salutem in Domino sempiternam Noverit universitas vestra nos concessisse Ricardo Servisable illam exhibitionem de domo nostra singulis diebus quam diu vixerit percipiendam quam magister Willelmus de Entayllur in refectorio nostro percipere consuevit Videlicet unum panem conventualem et unam justam servisie conventualis Idem vero Ricardus erit in libero servicio nostro et fideliter nobis serviet in locis ubi ipsum ponere voluerimus et nobis et ecclesie nostre melius expedire viderimus Nec idem Ricardus a servicio nostro sine voluntate aut licencia nostra recedet Quod si fecerit ad aliquam exhibitionem eidem Ricardo inveniendam nullo modo teneamur Et si idem Ricardus senio confectus fuerit vel infirmitate detentus fuerit quod nobis servire non poterit nihilominus singulis diebus quam diu vixerit exhibitionem percipiet supradictam Idem etiam Ricardus singulis annis quibus in nostro steterit servicio percipiet ad stipendia sua unam acram frumenti et alteram avene Pro hac autem exhibitione dedit nobis predictus Ricardus premanibus viginti marcas argenti Et post decessum predicti Ricardi cesset omnino exhibitio predicta In cujus rei testimonium hoc scriptum eidem fieri fecimus bipertitum et sigillis nostris roboratum Datum apud Malmesburiam in capitulo nostro in festo Sancti Michaelis anno Domini MCC octogesimo sexto
Source (click image below to view full size)
