Charter Document - 03600421
| Charter Number: | 03600421 |
|---|---|
| Cartulary Title: | Registrum Malmesburiense [Malmesbury] |
| Charter Language: | Latin |
| Charter Origin: | Religious |
| Charter Type(s): | Licence, Settlement |
| Date: | 1285 |
| Date type: | Internal, A.D., Calendar |
| Resource Link(s): |
|
Charter:
Omnibus Christi fidelibus presentes litteras inspecturis Johannes permissione divina abbas Glastonie salutem eternam in Domino Cum Willelmus la Wayte de Chippeham et Editha uxor ejus dilectis nobis in Christo fratribus abbati et conventui Malmesburie viginti et tres acras terre de feodo nostro in Kyngtone dederint et carta sua pro se et heredibus suis confirmaverint inperpetuum nolentes predictos abbatem et conventum pro adquisitione predictarum viginti et trium acrarum ratione statuti domini regis gravari seu per nos vel successores nostros aliquod gravamen eisdem inferri notum facimus omnibus per presentes quod nos de consensu et voluntate conventus nostri predictis abbati et conventui liberum concessimus ingressum pro nobis et successoribus nostris habendas et tenendas de nobis et successoribus nostris predictas viginti et tres acras terre salvis nobis et successoribus nostris serviciis inde debitis et consuetis prout in carta feofamenti predictorum abbatis et conventus de Malmesburia necnon et carta Roberti de Heywode inde confectis plenius continetur Nec licebit predictis domino abbati et successoribus suis terras vel pasturas nostras infra manerium nostrum de Kyngtone cum aliquibus averiis suis super onerare per quod dampna vel exheredatio ecclesie nostre accrescere possit in futurum sed quod habeant in eisdem secundum quod predictus Robertus de Heywode habuit ad tantam terre quantitatem In cujus rei testimonium huic scripto ad modum cyrography confecto predicti abbates Glastonie et Malmesburie sigilla sua alternatim apposuerunt quorum una pars penes predictum dominum abbatem Glastonie altera vero penes predictum dominum abbatem Malmesburie remanet Datum Glastonie iiii non Aprilis anno Domini MCC octogesimo quinto
Source (click image below to view full size)
