Charter Document - 03600368

Ad festum Nativitatis Beati Johannis Baptiste anno Domini MCC octogesimo tertio convenit inter dominum W abbatem Malmesburie et ejusdem loci conventum ex parte una et magistrum Radulphum de Leycestre archidiaconum Wyltis ex altera videlicet quod predicti abbas et conventus vendiderunt et concesserunt predicto magistro Radulpho custodiam terrarum que fuerunt Johannis filii Ricardi le Breth in villa de Westone cum maritagio heredum predicti Johannis qui nunc sunt ita quod non disparagentur Habendam et tenendam custodiam predictarum terrarum cum domibus gardinis curtillagiis croftis pratis pascuis et pasturis tenentibus liberis et servis et eorum reditibus et serviciis et omnibus aliis rebus libertatibus et liberis consuetudinibus ad predictas terras de Westone pertinentibus et cum advocatione ecclesie de Westone predicto magistro Radulpho et heredibus vel assignatis suis sine ullo retine mento usque ad legitimam etatem heredum predicti Johannis qui nunc sunt et cum omnibus aliis escetis que predictis abbati et conventui ratione predicte custodie infra etatem heredum predicti Johannis qui nunc sunt aliquo modo possent accidere Nec liceat predicto magistro Radulpho vel heredibus seu assignatis suis predictas terras de Westone alicui in feodo vendere vel aliquo alio modo alienare nec in predictis terris vastum vel exilium vel aliquam destructionem facere per quam predicti abbas et conventus dampnum incurrere possint Sed predictus magister Radulphus et heredes et assignati sui domos gardina prata pascua et omnia alia ad predictas terras de Westone pertinentia predicta durante custodia in eo statu quo ipsa receperunt vel meliori suis sumptibus sustinebunt et cum heredes predicti Johannis qui nunc sunt ad legitimam etatem pervenerint predictus magister Radulphus et heredes vel assignati sui predictas terras de Westone heredi predicti Johannis quicumque fuerit integre sine aliqua contradictione reddent et restituent Et predicti abbas et conventus custodiam predictarum terrarum cum maritagio predicto et omnibus aliis pertinentiis suis sicut predictum est predicto magistro Radulpho et heredibus vel assignatis suis usque ad legitimam etatem heredum predicti Johannis qui nunc sunt contra omnes mortales warantizabunt et de omnibus serviciis et demandis ad capitalem dominum de Westone spectantibus acquietabunt et defendent Pro hac autem venditione et concessione dedit predictus magister Radulphus predictis abbati et conventui sexaginta et decem marcas argenti In cujus rei testimonium huic scripto bipertito partes sigilla sua alternatim apposuerunt Hiis testibus []