Charter Document - 03600365
| Charter Number: | 03600365 |
|---|---|
| Cartulary Title: | Registrum Malmesburiense [Malmesbury] |
| Charter Language: | Latin |
| Charter Origin: | Religious |
| Charter Type(s): | Agreement |
| Date: | 1283 |
| Date type: | Internal, A.D., Feast |
| Resource Link(s): |
|
Charter:
Ad festum Pasche anno Domini MCC octogesimo tertio convenit inter dominum Alanum de Plokenet ex parte una et dominum Willelmum abbatem de Malmesburia et ejusdem loci conventum ex altera videlicet quod predictus dominus Alanus vendidit et concessit predictis abbati et conventui custodiam terrarum que fuerunt Johannis filii Ricardi le Breth in villa de Westone habendam et tenendam custodiam predictarum terrarum cum domibus gardinis curtillagiis croftis pratis pascuis et pasturis tenentibus liberis et servis et eorum reditibus et serviciis et omnibus aliis rebus libertatibus et liberis consuetudinibus ad predictas terras de Westone pertinentibus et cum advocatione predicte ecclesie de Westone predictis abbati et conventui sine ullo retine mento usque ad legitimam etatem heredum predicti Johannis qui nunc sunt et omnibus aliis escetis que predicto domino Alano aut heredibus suis ratione predicte custodie infra etatem heredum predicti Johannis qui nunc sunt aliquo modo possent accidere Et predictus dominus Alanus et heredes sui custodiam predictarum terrarum cum omnibus pertinentiis suis sicut predictum est predictis abbati et conventui usque ad legitimam etatem heredum predicti Johannis qui nunc sunt contra omnes mortales warantizabunt et de omnibus serviciis et demandis ad predictum dominum Alanum et heredes vel assignatos suos pertinentibus acquietabunt et defendent Pro hac autem venditione et concessione dederunt predicti abbas et conventus predicto domino Alano quadraginta marcas argenti In cujus rei testimonium huic scripto bipertito partes alternatim sigilla sua apposuerunt Hiis testibus []
Source (click image below to view full size)
