Charter Document - 03600352
| Charter Number: | 03600352 |
|---|---|
| Cartulary Title: | Registrum Malmesburiense [Malmesbury] |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1282 |
| Date type: | Internal, A.D. |
| Resource Link(s): |
|
Charter:
Universis Christi fidelibus presens scriptum inspecturis Willelmus Dei gratia abbas Malmesburie et ejusdem loci conventus salutem eternam in Domino Noverit universitas vestra nos anno Domini MCC octogesimo secundo concessisse Roberto de Thurlebi ad vitam suam totam terram cum pertinentiis suis quam Cristina le Bere aliquando tenuit in la Blakelond reddendo inde nobis annuatim tres solidos ad quatuor anni terminos videlicet ad festum Beati Michaelis novem denarios ad festum Beati Thome apostoli novem denarios ad festum Annunciationis Beate Marie novem denarios et ad festum Nativitatis Beati Johannis Baptiste novem denarios salva nobis secta ad curiam nostram de la Blakelonde facienda salva etiam nobis inbladatura in predicta terra existente anno predicto In cujus rei testimonium hoc scriptum bipertitum inter nos est confectum et sigillis nostris alternatim appensis roboratum Hiis testibus Willelmo le Screveyn Adam le Chaumberleyn Willelmo Welond Galfrido de Finemore Henrico Phelip et aliis
Source (click image below to view full size)
