Charter Document - 03600345

Acta in crastino Sancti Marce Evangeliste in ecclesia conventuali Cyrencestrie coram ejusdem loci priore a domino papa judice delegato anno Dominice Incarnationis millesimo ducentesimo quinquagesimo primo in causa que vertitur inter abbatem et conventum Malmesburie ex una parte et rectorem ecclesie de Somerford Maudut ex altera partibus in judicio legitime constitutis Videlicet cum lis esset mota inter predictos abbatem et conventum et rectorem prefatum ecclesie de Somerford Maudut super decimis provenientibus de toto dominico Johannis Maudut subtus Angrave et dicto rectori esset editum in hunc modum petunt abbas et conventus Malmesburie a rectore ecclesie de Somerford Maudut omnes decimas provenientes de toto dominico Johannis Maudut subtus Angrave spectantes ad ecclesiam suam de Malmesburia de jure communi intentantes petitorium judicium quod dicunt salvo jure addendi [] Lis ipsa ut laboribus parcatur partium et expensis in hac forma amicabiliter prefato judice inter partes ordinante conquievit Quod predictus scilicet rector ecclesie de Somerford Maudut abbati et conventui de Malmesburia duas libras cere annuas in festo Purificationis Beate Marie sine contradictione reddet et exsolvet Et dicti abbas et conventus nichil amplius a dicto rectore pretextu alicujus decime de dicto dominico proveniente exigent vel exigere poterunt in futurum Hanc autem ordinationem pacis et quietis formam utraque pars approbavit et communiter acceptavit impetratis et impetrandis contra hec renunciando inperpetuum Et ne tractu temporis ea que semel terminata sunt iteratis refragatoribus perturbentur ea que in presentia dicti judicis ordinantis acta sunt et communiter a partibus expresse approbata signo judicis et partium hinc inde confirmantur et vallantur