Charter Document - 03600322
| Charter Number: | 03600322 |
|---|---|
| Cartulary Title: | Registrum Malmesburiense [Malmesbury] |
| Charter Language: | Latin |
| Charter Origin: | Religious |
| Charter Type(s): | Agreement |
| Date: | 1221 |
| Date type: | Internal, Feast, Regnal |
| Resource Link(s): |
|
Charter:
Hec est conventio facta inter dominum abbatem Malmesburie Walterum et Ricardum de Lokyntone militem ad Hockeday anno quinto post coronationem domini regis Henrici filii regis Johannis videlicet quod predictus abbas ex consensu et voluntate conventus sui concessit et tradidit ipsi Ricardo militi in plena curia sua custodiam Ricardi filii et heredis Henrici le Bret Henrici scilicet junioris dicti vero Ricardi heredis tunc septuennis usque ad terminum quatuordecim annorum continue sequentium completorem simul cum toto tenemento militari ipsius Ricardi heredis predicti Henrici cum pertinentiis in villa de Newentone quod est de feodo predicti abbatis quod quidem tenementum est tertia pars quarte partis unius militis Concessit etiam abbas predicto Ricardo de Lokintone maritagium ejusdem Ricardi dummodo non disparagetur Ista predicta tenebit et habebit dictus Ricardus de Lokintone vel cui ipse assignare voluerit usque ad plenam etatem predicti Ricardi heredis Henrici le Bret Si vero infra quatuordecim annos prescriptos ipse Ricardus heres decesserit dictus R de Lokintone habebit custodiam proximi heredis quicumque ex fratribus vel sororibus heres esse debeat post eum usque ad finem prescripti termini quatuordecim annorum salvo dicto abbati et successoribus suis relevio heredum aliorum sequentium post Ricardum et custodia similiter si ante etatem completam de ipso Ricardo herede humanitus contigerit Salvo etiam servicio pertinente ad predictum tenementum Cum autem predictus Ricardus heres talis fuerit quod secundum consuetudinem Anglie terram tenere debeat recipiet predictam terram solutam et quietam de relevio ad abbatem vel successores suos pertinente Pro hac autem conventione dedit predictus Ricardus de Lokyntone dicto abbati per manibus quadraginta solidos sterlingorum Hanc vero custodiam cum maritagio et aliis prescriptis Walterus abbas et successores predicto Ricardo de Lokyntone vel ejus assignatis usque ad plenam etatem predicti Ricardi heredis warantizabunt Et ut hec conventio firma et stabilis permaneat hoc cyrographum inter eos factum est cujus uni parti sigillum Walteri abbatis de Malmesburia appensum est alteri vero parti sigillum sepe dicti Ricardi de Lokyntone
Source (click image below to view full size)
