Charter Document - 03600315
| Charter Number: | 03600315 |
|---|---|
| Cartulary Title: | Registrum Malmesburiense [Malmesbury] |
| Charter Language: | Latin |
| Charter Origin: | Religious |
| Charter Type(s): | Agreement |
| Date: | 1272 |
| Date type: | Internal, A.D., Feast |
| Resource Link(s): |
|
Charter:
Hec est conventio facta anno Domini MCCLXX secundo ad Pascha inter dominum Willelmum abbatem et conventum Malmesburie ex parte una et Sibillam Agnetem et Matildem sorores de Foxham ex altera videlicet quod cum predicte Sibilla Agnes et Matildis sorores remiserint et quietum clamaverint predictis abbati et conventui et eorum successoribus totum jus et clamium quod habuerunt vel aliquo modo habere potuerunt in quadam terra cum omnibus pertinentiis suis que fuit aliquando Willelmi fratris earum in Foxham predicti abbas et conventus concesserunt predictis Sibille Agneti et Matildi totam predictam terram omnibus diebus vite earum cum tota terra illa quam Editha uxor quondam predicti Willelmi fratris earum tenet si contingat ipsam Editham ante predictas Sibillam Agnetem et Matildem in fata decedere habendam et tenendam totam predictam terram cum tota terra quam predicta Editha tenet cum acciderit predictis Sibille Agneti et Matildi omnibus diebus vite earum libere quiete integre et pacifice reddendo annuatim predictis abbati et conventui pro tota terra predicta quatuordecim solidos ad quatuor anni terminos videlicet ad Nativitatem Beati Johannis Baptiste tres solidos et sex denarios ad festum Sancti Michaelis tres solidos et sex denarios ad festum Sancti Andree tres solidos et sex denarios et ad festum Annunciationis Beate Marie tres solidos et sex denarios pro omni servicio seculari exactione et demanda Predicte vero Sibilla Agnes et Matildis domos et alia ad predictam terram pertinentia in bono statu sicut ipsas receperunt vel meliori suis propriis sumptibus conservabunt Nec liceat eisdem Sibille Agneti et Matildi predictam terram alicui dare vendere vel invadiare vel aliquo alio modo alienare nec etiam ad firmam ponere sine assensu predictorum abbatis et conventus nisi hominibus eorundem et hoc de voluntate predictorum abbatis et conventus Et cum de una vel duabus sororibus predictis humanitus contigerit ipsa vel ipse sorores que superstites fuerint habebunt et tenebunt totam predictam terram cum pertinentiis suis ad vitam suam tantum per servicium prenominatum Et cum de Sibills Agnete et Matilde humanitus contigerit tota predicta terra cum omnibus pertinentiis suis ad predictos abbatem et conventum sine aliqua contradictione revertetur Si vero predicte sorores vel earum firmaris quem de consensu predictorum abbatis et conventus habuerint vastum vel destructionem in domibus vel in aliquibus aliis rebus ad predictam terram pertinentibus fecerint dampna eisdem abbati et conventui in predicta terra facta post decessum predictarum sororum de bonis in predicta terra inventis per visum virorum fidedignorum eisdem abbati et conventui plenaria restituantur In cujus rei testimonium hoc scriptum ad modum cyrographi est confectum et signis partium alternatim signatum
Source (click image below to view full size)
