Charter Document - 03600304
| Charter Number: | 03600304 |
|---|---|
| Cartulary Title: | Registrum Malmesburiense [Malmesbury] |
| Charter Language: | Latin |
| Charter Origin: | Religious |
| Charter Type(s): | Agreement |
| Date: | 1270 |
| Date type: | Internal, A.D., Feast |
| Resource Link(s): |
|
Charter:
Hec est conventio facta anno Domini mcc septuagesimo die Dominica proxima post festum Sancti Luce Evangeliste inter dominum Willelmum de Colerne abbatem Malmesburie et conventum ejusdem loci et priorem de Piltone et confratres ejusdem loci ex parte una et dominos Willelmum de Ralege Ricardum de Bello Monte milites priorem Barnastapole ibidem tunc existentem Willelmum de Pillonde et omnes ceteros parochianos ecclesie de Piltone ex altera Videlicet quod cum controversia mota fuisset coram archidiacono Barnastapole et ejus officiali super reedificatione turris campanarii in ecclesia de Piltone et super quibusdam aliis rebus inter predictas partes motis omnimoda lis in hunc modum conquievit Ita scilicet quod dictus prior predictam turrim suis expensis ad presens fabricet prout honesto modo fuerit fabricanda Et memorati parochiani decem marcas citra festum Pasche proximo sequens pro presenti reparatione ejusdem turris predicto priori plenarie persolvent inposterum vero dicti parochiani pro medietate expensarum in memorata turri faciendarum quotienscumque necesse fuerit per visum legalium virorum utrobique ad hoc deputatorum benigne se obligantes Et cum dicerent dicti parochiani se servicium suum audire debere in ecclesia parochiali et minime in auctentico altari chori dictorum monachorum memoratis priore ac fratribus in hoc refragantibus vel contradicentibus tandem dicti abbas et conventus cum priore ejusdem loci causa pacis reformande inter eosdem predictis parochianis ulterius in ecclesia parochiali memorata servicium predictum habere concesserunt nullo ex hoc predicto abbati et conventui prejudicio imposterum per parochianos generato Et si dicti parochiani aliquem calicem de suo proprio construere voluerint concesserunt predicti abbas et conventus cum priore predicto quod ille calix ad altare parochialis ecclesie imperpetuum remaneat vel si aliquis de parochianis predicte ecclesie de devotione cereum voluerit conferre et ipsum sustinere concesserunt similiter idem abbas et conventus cum priore memorato quod ille cereus super dictum altare ardeat sine aliqua remotione vel si aliquis de parochia tualliam vestimenta vel quedam alia ad predictum altare necessaria de devotione contulerit similiter concesserunt quod illa ad deserviendum eidem altari imperpetuum remaneant In cujus rei testimonium hoc scriptum bipertitum inter partes confectum est et sigillis eorum alternatim appensis roboratum
Source (click image below to view full size)
