Charter Document - 03600261
| Charter Number: | 03600261 |
|---|---|
| Cartulary Title: | Registrum Malmesburiense [Malmesbury] |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1267 |
| Date type: | Internal, A.D., Feast |
| Resource Link(s): |
|
Charter:
Universis Christi fidelibus presens scriptum visuris vel audituris Willelmus Dei gratia abbas Malmesburie et ejusdem loci conventus salutem eternam in Domino Noverit universitas vestra nos concessisse magistro Nicholao de Malmesburia pro nobis et successoribus nostris quod teneat terram de Fowleswyke cum omnibus pertinentiis suis quam habemus de dono ipsius magistri de nobis et successoribus nostris usque ad terminum viginti annorum solvendo nobis et successoribus nostris per predictum tempus si terram illam tenuerit singulis annis quinque marcas ad quatuor anni terminos videlicet ad Pascha sex decem solidos et octo denarios in festo Nativitatis Beati Johannis Baptiste sex decem solidos et octo denarios in festo Sancti Michaelis sex decem solidos et octo denarios et in festo Nativitatis Domini sex decem solidos et octo denarios ad sustentandum unum capellanum divina celebrantem pro ipso in carnario sito in cymiterio Malmesburie videlicet die Dominica feria tertia et sabbato de Beata Virgine ceteris vero diebus pro animabus omnium fidelium defunctorum Et postquam humanitus de ipso contigerit nos memoratum capellanum in loco prenominato divina celebrantem prout supra dictum est inperpetuum sustentabimus Et nihilominus ad anniversarium ipsius magistri inperpetuum faciendum die anniversarii sui unam marcam ad pitanciam suam de predicta terra percipiet conventus memoratus Et si contingat predictam terram per judicium a nobis evinci aliquo conquerente nobis fideliter et diligenter defendentibus ad predicta onera nullatenus obligemur Promittimus etiam bona fide quod postquam cyrographum in curia domini regis inter nos de predicta terra fuerit levatum eidem magistro predictam terram cum omnibus pertinentiis suis retardemus et scriptura ista in forma competenti pro voluntate prenominati magistri ad commodum utriusque partis concipietur Datum Malmesburie die Lune proxima ante festum Beati Petri quod dicitur in Cathedra anno Domini MCC sexagesimo septimo et in cujus rei testimonium hoc scriptum bipartitum inter nos et predictum magistrum fecimus et sigillis nostris alternatim appensis roboravimus
Source (click image below to view full size)
