Charter Document - 03600229
| Charter Number: | 03600229 |
|---|---|
| Cartulary Title: | Registrum Malmesburiense [Malmesbury] |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1274 |
| Date type: | Internal, A.D., Feast, Regnal |
| Resource Link(s): |
|
Charter:
Sciant presentes et futuri quod ego Galfridus filius domini Eustachii de Wroexhale militis concessi et confirmavi pro me et heredibus et assignatis meis domino Willelmo abbati Malmesburie et ejusdem loci conventui omnes terras et tenementa cum omnibus pertinentiis suis que habent de feodo meo in parochia de Colerne habenda et tenenda predictas terras et predicta tenementa de me et heredibus meis cum dotibus domibus curtillagiis croftis pratis paschuis et pasturis wardis releviis homagiis herietis eschetis tenentibus reditibus serviciis et cum omnibus aliis rebus libertatibus et liberis consuetudinibus ad predictum tenementum aliquo modo pertinentibus predictis abbati et conventui et eorum successoribus vel cui predictas terras et predicta tenementa in toto vel in parte cum omnibus pertinentiis suis et omnibus rebus prenominatis et idem abbas et conventus dare vendere vel assignare voluerint quieta et soluta sine aliqua reclamatione aut contradictione mei vel heredum vel assignatorum meorum inperpetuum Ita quod nec ego nec aliquis heredum vel assignatorum meorum aliquid juris vel clamii in predictis terris et tenementis aut eorum pertinentiis possimus nobis vendicare nec aliquam sectam a predictis abbate et conventu nec aliquod servicium ab eisdem vel successoribus eorum sive a tenentibus de predictis terris et tenementis inperpetuum possimus exigere Tenentes vero predictorum abbatis et conventus de eodem feodo sectam facient ad duos terminos tantum videlicet ad Hockeday et ad festum Sancti Martyni ad magnam crucem de Colerne et non alibi dummodo rationabilem habeant sum monitionem Salvis tamen mihi et heredibus meis quinque denariis ad festum Sancti Michaelis solvendis Salvis etiam mihi scutagio et hidagio cum generaliter currunt et rationabili auxilio ad primogenitum filium meum militem faciendum et ad primogenitam filiam meam maritandam quantum pertinet ad predictas terras et tenementa de eodem feodo Et ego Galfridus et heredes mei omnes predictas terras et predicta tenementa cum omnibus rebus prenominatis et omnibus aliis pertinentiis suis predictis abbati et conventui et eorum successoribus contra omnes mortales inperpetuum warantizabimus et de omnimodis sectis homagiis feodalitatibus consuetudinibus serviciis exactionibus et de mandis tam regalibus quam aliis acquietabimus et defendemus Et ut hec concessio et confirmatio robur perpetuitatis in se optineat hoc scriptum eisdem abbati et conventui feci et illud sigillo meo signavi Hiis testibus [] Datum apud Malmesburiam die beati Andree apostoli anno Domini MCC septuagesimo quarto regnante illustrissimo rege Eadwardo anno regni ipsius secundo
Source (click image below to view full size)
