Charter Document - 03600222
| Charter Number: | 03600222 |
|---|---|
| Cartulary Title: | Registrum Malmesburiense [Malmesbury] |
| Charter Language: | Latin |
| Charter Origin: | Religious |
| Charter Type(s): | Agreement |
| Date: | 1261 |
| Date type: | Internal, A.D., Calendar |
| Resource Link(s): |
|
Charter:
Hec est compositio realis et perpetua anno gratie MCC sexagesimo primo xi kalendis Maii facta inter Walterum episcopum decanum et capitulum ac ecclesiam Exon ex parte una et Willelmum abbatem et conventum ac monasterium Malmesburie Sarresbiriensis dioecesis ex altera videlicet cum inter episcopum decanum capitulum ecclesiam abbatem conventum et monasterium predicta super jure et possessione officii visitationis jure ordinarii exercendi in cella Beate Marie de Piltona Exon dioecesis ad predictum monasterium Malmesburie pertinente necnon et [de] modo instituendi et destituendi priores seu administratores in cella memorata suborta esset materia questionis tandem inter partes ipsas de litium fluctibus ad pacis quietem transire volentes questio predicta in hunc modum realiter conquievit videlicet quod predictus episcopus et successores sui post ipsum nomine suo et ecclesie Exon cellam predictam Piltone jure ordinario sine reclamatione de cetero visitabunt et que correctione indigebunt in rebus et personis canonice reformabunt hoc adhibito moderamine ad gravamen sumptuum monasterii et celle predicte vitandum in hac parte quod ejusdem loci priores dicto episcopo et ejus successoribus nomine cujuslibet procurationis ratione visitationis debite seu debende viginti solidos dumtaxat impendant Prefati itaque abbas et conventus Malmesburie et eorum successores cella Piltone per mortem cessionem resignationem seu alio modo legitimo vacante idoneas successive personas priores seu administratores instituendos ibidem dicto domino episcopo et ejus successoribus de cetero presentabunt qui curam administrationem seu regimen ab eodem episcopo et ejus successoribus recipient et nisi eis aliquod canonicum obsistat sine difficultate admittentur Et ut hoc perpetuo inviolabiliter observetur inter partes episcopus decanus capitulum abbas et conventus predicti tenore presentium hinc inde se obligant inperpetuum et presenti scripto sigilla sua ad perpetuam memoriam alternatim apposuerunt Acta et data anno gratie MCCLX primo xi kalendas Maii
Source (click image below to view full size)
