Charter Document - 03600200
| Charter Number: | 03600200 |
|---|---|
| Cartulary Title: | Registrum Malmesburiense [Malmesbury] |
| Charter Language: | Latin |
| Charter Origin: | Religious |
| Charter Type(s): | Final Concord |
| Date: | 1224 |
| Date type: | Internal, Feast, Regnal |
| Resource Link(s): |
|
Charter:
Hec est finalis concordia facta in curia domini regis apud Westmonasterium in octavis Sancti Hilarii anno regni regis Henrici filii regis Johannis viii coram Martyno [de Pateshille] Stephano de Segrave Thoma Haydon Roberto de Lexintone Gaufrido le Sauvage Justiciariis et aliis domini regis fidelibus tunc ibi presentibus inter Johannes abbatem Malmesburie querentem et J[ocelinum] Bathon episcopum deforciantem quem Robertus abbas Glaston vocavit ad warantum per Johannem de Thoekesbyri positum loco suo ad lucrandum vel perdendum per breve domini regis qui venit et warantizavit de sectis et consuetudinibus ab hominibus suis de Cristemeleforde faciendis ad hundredum de Malmesburia et quas idem abbas de Malmesburia exigebat et quas sectas et consuetudines idem abbas de Glaston eidem abbati de Malmesburia facere contradixit et unde placitum fuit inter eos in prefata curia scilicet quod predictus abbas de Malmesburia quantum ad ipsum et successores suos pertinet remisit et quietos clamavit de se et successoribus suis predictum episcopum et predictum abbatem de Glaston et eorum successores et homines predicti manerii de Cristemeleford de omnimodis sectis et consuetudinibus inperpetuum faciendis ad predictum hundredum Et pro hac remissione quieta clamatione fine et concordia idem episcopus dedit eidem abbati de Malmesburia decem marcas argenti
Source (click image below to view full size)
