Charter Document - 03599711
| Charter Number: | 03599711 |
|---|---|
| Cartulary Title: | Luffield Priory Charters |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1307 |
| Date type: | Internal, Feast, Regnal |
| Resource Link(s): |
|
Charter:
Omnibus Christi fidelibus hoc presens scriptum visuris uel audituris frater Willelmus prior de Luffeld et eiusdem loci conuentus salutem in domino sempiternam Nouerit vniuersitas vestra nos dedisse et omnino quietum clamasse Roberto le Porter in Bechamtone Willelmum filium Yuonis de Thorneberge natiuum nostrum cum omnibus catallis suis et tota sequela sua de se exeunte liberum et quietum ab omni seruicio et iugo secularis seruitutis Ita quod nos nec successores nostri nec aliquis alius ex parte nostra in persona dicti Willelmi neque in catallis suis nec in sequela sua de se exeunte decetero nichil possimus nomine natiuitatis uel alicuius seruitutis calumpniare uel exigere Vt autem hec nostra donacio et quieta clamancia rate et stabiles perseuerent hoc presens scriptum sigilli nostri inpressione roborauimus Hiis testibus domino Ricardo perpetuo vicario de Thorneberge Henrico de Helidene Willelmo Nicholao Aspilony Radulfo de Fraxino in Thorneberge et multis aliis Dat apud Luffeld in crastino sancte Trinitatis anno regni regis Edwardi filii regis Henrici tricesimo quinto
Source (click image below to view full size)
