Charter Document - 03599002
| Charter Number: | 03599002 |
|---|---|
| Cartulary Title: | Luffield Priory Charters |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1275 - 1300 |
| Date type: | Assigned |
| Resource Link(s): |
|
Charter:
Vniuersis [] Nouerit vniuersitas vestra nos vnanimi assensu tocius capituli nostri concessisse et dimisisse pro nobis et successoribus nostris P de T seu eius atornato qualibet septimana per totum annum septem panes monachorum et quatuor lagenas ceruicii conuentus ad totam vitam suam possidend in domo nostra de Luffeld de celario nostro ipso uel suis certis attornatis plenarie recipiend [] vbicunque voluerit deferend uel cuicunque dare vendere uel assignare tam infra septa monasterii quam extra sine aliqua contradiccione nostri seu alicuius alterius nomine nostro Pro hac autem donacione [] dedit nobis predictus P xij marcas sterlingorum bone et legalis monete ad [] nostre expedicionem Qui quidem ad libitum nostrum quamdiu nobis placuerit in ministerio fabricali quam diu videritur potens [] sine aliqua contradiccione corporali sacramento prestito in dicta domo nostra sine more dispendio fideliter ministraret Nos uero dicti prior et conuentus eidem P quamdiu in dicto ministerio nobis fideliter ministrauerit victum vnius liberi seruientis tam in cibariis quam in potulentis pro omnibus plenarie satisfacientes Ipse uero omnia alia necessaria statui suo pertinencia sibi ipsi prouidebit et pro libito suo proprio ministrabit Et si ita contingat quod absit quod dictus P aliquibus personis incongruis cuiuscunque dignitatis fuerint uel ordinis confederacione adhibuerit seu inpie secularibus infidelibus se associauerit uel alicui persone nostre congregacionis crimine imposuerit uel eis qui imponunt consilium uel auxilium adhibuerit per quod dampnum seu grauamen domui nostre uel alicui persone de domo nostra poterit imminere si super tali factione publice convictus fuerit et legitime tunc obicit se iurisdiccioni et cohercioni cuiuscunque iudicis ecclesiastici vel ciuilis pro libito prioris et conuentus ad plenariam et condignam satisfaccionem in omnibus faciendam sub pena viginti solidorum fabrice dicte ecclesie de Luffeld facienda Renuncians in hiis omnibus et singulis omni iuris remedio canonici et ciuili ac omnibus litteris impetratis seu impetrandis que contra hoc factum meum uel instrumentum obici possint uel contraire
Source (click image below to view full size)
