Charter Document - 03597711
| Charter Number: | 03597711 |
|---|---|
| Cartulary Title: | Luffield Priory Charters |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1240 - 1250 |
| Date type: | Assigned |
| Resource Link(s): |
|
Charter:
Nouerint vniuersi sancte matris ecclesie filii ad quos presens scriptum peruenerit quod ego Willelmus dictus prior de Luffeld totusque eiusdem loci conuentus dedimus concessimus et hac presenti carta nostra confirmauimus communi assensu capituli nostri Radulfo le masun pro homagio et seruicio suo illam dimidiam acram terre in Thorneberge quam prius de nobis tenuit ad terminum vite sue et iacet iuxta mesuagium quod fuit quondam Roberti de Stiueclee uersus occidentem Tenendam et habendam de nobis et successoribus nostris sibi et heredibus suis uel cuicumque illam dare vendere assignare voluerit saluis viris religiosis libere et quiete hereditarie bene et in pace inperpetuum Reddendo inde annuatim nobis et successoribus nostris duodecim denarios ad duos anni terminos scilicet ad festum sancte Marie in Marcio sex denarios et ad festum sancti Michaelis sex denarios et quatuor gallinas ad Nathale domini uel quatuor denarios pro voluntate dicti Radulfi et heredum suorum uel suorum assignatorum pro omnibus seruiciis que ad nos uel ad successores nostros pertinent Hanc autem predictam dimidiam acram terre cum pertinenciis suis nos et successores nostri predicto Radulfo et heredibus suis uel suis assignatis contra omnes gentes warantizabimus et defendemus inperpetuum per predictum seruicium Vt igitur hec nostra donacio concessio et presentis carte nostre confirmatio rata et stabilis inperpetuum permaneat huic presenti scripto signa nostra apposuimus Hiis testibus Reginaldo de Fraxino Roberto de Westmonasterio Willelmo de Helyeden Hugone de Helyeden Ricardo Tripaci Roberto filio Elye Michaele filio eius Michaele Govayre Waltero fratre eius et multis aliis
Source (click image below to view full size)
