Charter Document - 03596321
| Charter Number: | 03596321 |
|---|---|
| Cartulary Title: | Luffield Priory Charters |
| Charter Language: | Latin |
| Charter Origin: | Lay |
| Charter Type(s): | Agreement |
| Date: | 1305 |
| Date type: | Internal, Feast, A.D. |
| Resource Link(s): |
|
Charter:
Memorandum quod die dominica proxima ante cineres anno regni regis Edwardi tricesimo tercio conuenit inter Willelmum priorem de Luffeld et eiusdem loci conuentum ex vna parte et Thomam de Blaston ex altera videlicet quod predictus Thomas dedit concessit et omnino remisit eisdem priori et conuentui decem quarteria frumenti contenta in quodam scripto inter eos indentato continente centum et quinquaginta quarteria frumenti Preterea predictus Thomas concessit tradidit et dimisit eisdem priori et conuentui totum bladum suum de Parco per estimacionem sexaginta quarteria frumenti quatuordecim quarteria ordei et drageti et sexaginta quarteria auene predicto die ibidem trituranda Ita videlicet quod si tot quarteria per exitum et liberacionem balliui predicti Thome non inueniantur ea que defuerint uel precium in predicto scripto inter eos indentato eisdem priori et conuentui allocentur et abreuiantur Et si plura inueniantur quam a predicta Thoma heredibus siue eius assignatis in predicto debito in predicto scripto inter eos confecto augmentetur In cuius rei testimonium predictus prior conuentus et Thomas presenti scripto in modum cyrograffi confecto sigilla sua alternatim apposuerunt Dat apud Luffeld die et anno supradictis
Source (click image below to view full size)
