Charter Document - 03595539

Herui de Saldeston e Susanne sa femme aueynt quatres fiz le eyne Walterus Willelmus Galfridus Robertus e deus files Alis e Edyt Quant Herui fu mort Susanne de ky la terre emeny dona j verge de terre a Gefrey soun fiz rendaunt par an Alicy e a ses heyrs e a ses assignes iiij s des ques iiij s nos auie este en seysine par la meyn des files memes cely Geffrei Memes cela Sussanne dona ine demi verge de terre a Willeme son fiz et cely Willeme se rendy frere a Brackel o la terre e les freres de Brackel baylerent a Gefrey cele demy verge de terre rendaunt a ocis treys south par ay les ques iij south sount assignet a le mesunn de Luff par eschaunge fecte entre les freres de Brack e les moynes de Luff Meymes cela Susanne dona a Edith sa file j demy verge de terre rendaunt par an j d le quel d nos awig de Henri de Westbur et le terre [] en le nom Walter Herui le terre et heyre Herui de Shaldeston esposa vne fraunche femme