Charter Document - 03593711
| Charter Number: | 03593711 |
|---|---|
| Cartulary Title: | Luffield Priory Charters |
| Charter Language: | Latin |
| Charter Origin: | Religious |
| Charter Type(s): | Lease |
| Date: | 1240 - 1247 |
| Date type: | Assigned |
| Resource Link(s): |
|
Charter:
Omnibus sancte matris ecclesie filiis frater Willelmus prior de Luffeld et conuentus eiusdem loci salutem in domino Noscat vniuersitas vestra nos vnanimi concensu capituli nostri concessisse et tradidisse Elye de Hesele et Aline vxori eius totam medietatem mesuagii versus occidentalem et totam medietatem crofti cum prato pertinente in villa de Thorneberge videlicet de illo mesuagio et crofto quod Willelmus Frances quondam tenuit Habendum et tenendum de nobis et successoribus nostris predictis Elye et Aline vxori eius ad totam vitam eorum libere et quiete bene et pacifice Reddendo inde annuatim nobis et successoribus nostris quadraginta denarios ad duos anni terminos scilicet ad festum sancte Marie in Marcio viginti denarios et ad festum sancti Michaelis viginti denarios et duo altilia ad Natale domini pro omni seruicio seculari exaccione consuetudine et demanda et sciendum est quod nos et successores nostri totam medietatem predicti mesuagii et totam medietatem predicti crofti cum prato prenominato predictis Elye et Aline vxori eius ad totam vitam eorum per predictum seruicium sicut predictum est contra omnes gentes fideliter warantizabimus et defendemus Vt igitur hec concessio et tradicio rata et inconcussa perseueret huic scripto sigillum ecclesie nostre apposuimus His testibus Reginaldo de Fraxino Willelmo de Helidene Rogero Foliot Ricardo Tripaci Hugone de Heliden Iohanne de Padeburi Geruasio de Thorneberge Waltero filio Ernaldi Michaele Gofayre et multis aliis
Source (click image below to view full size)
