Charter Document - 03593321

Anno regni regis Edwardi filij regis Henrici tricesimo primo die veneris proxima ante festum natiuitatis beate Marie virginis auditis et diligenter examinatis apud Luffeld hinc inde debitis receptis et omnimodis conuencionibus habitis et confectis de toto tempore preterito usque ad diem confeccionis presentis litere inter fratrem W priorem de Luffeld ex parte vna et Thomam de Blastone ex altera computatis insuper computandis et allocatis allocandis predictus prior ex consensu tocius conuentus sui recognouit se teneri et per presentes firmiter obligari predicto Thome in centum solidis sterlingorum soluendis eidem Thome vel suo certo atornato hanc literam deferenti apud Luffeld ad duos anni terminos videlicet ad festum sancti Michaelis anno regni regis Edwardi tricesimo primo quatuor marcas et ad festum annunciacionis beate Marie proximo sequens quadraginta sex solidos et octo denarios Pro hac autem recognicione et obligacione predictus Thomas relaxauit et omnino quietum clamauit predicto priori et successoribus suis imperpetuum omnimoda debita acciones vendicaciones et contractus prius inter eos factas seu contentas de toto tempore preterito usque ad diem confeccionis istius litere excepto feodo suo de predecessoribus predicti prioris per cartam ipsorum eidem Thome prius concesso Et ad istam obligacionem et plenariam solucionem sine dilacione ad terminos predictos fideliter faciendam predictus prior obligauit se et omnia bona sua districcioni vicecomitis Northampton qui pro tempore fuerit vel quorumcunque ministrorum domini regis donec eidem Thome vel suo certo atornato sicut predictum est tam de debito quam de dampnis et expensis si ad terminos prenominatos in predicta solucione defecerit plenarie fuerit satisfactum In cuius rei testimonium predicte partes presentibus scriptis bipartitis hinc inde sigilla sua alternatim apposuerunt Dat apud Luffeld anno et die supradictis