Charter Document - 03592539

Hec indentura testatur quod Iohannes prior de Luffeld et eiusdem loci conuentus tradiderunt concesserunt et ad firmam dimiserunt Iohanni Walkote de Schaldeston Roberto et Thome filijs eiusdem Iohannis Walkote vnum mesuagium cum crofto adiacente et medietatem omnium terrarum suarum que quondam Iohannes Ikforde tenuit in Schaldeston predicta excepto principali mesuagio cum gardino adiacente et exceptis reditibus et seruicijs suorum liberorum tenencium in Schaldeston predicta Tradiderunt eciam et concesserunt eisdem Iohanni Roberto et Thome vnum toftum in Schaldeston situatum inter tenementa Aldeswelle et Wendouer Habendum et tenendum predictum mesuagium cum crofto adiacente cum medietate omnium terrarum supradictarum exceptis per exceptis et toftum predictum simul cum pratis pascuis et pasturis ac alijs commoditatibus quibuscumque dicte medietati terrarum spectantibus prefatis Iohanni Walkote Roberto et Thome filijs eiusdem Iohannis ad terminum vite eorum et cuilibet eorum diucius viuenti Reddendo inde annuatim dictis priori et conuentui et eorum successoribus octo solidos ad duos anni terminos per equales prociones videlicet in festo sancti Michaelis archangeli quatuor solidos et in festo annunciacionis beate Marie quatuor solidos Faciendo eciam domino regi forinseca seruicia quantum pertinet ad tantas terras et secta ad curiam dictorum prioris et conuentus tentam apud Schaldeston semel per annum Et principalis tenens illorum heriettabit et dabit nomine herietti sex solidos et octo denarios Ita quod alij nec tenentes nec occupantes predicta non heriettabunt nisi ille qui tenet et occupat tenementum Et ijdem Iohannes Robertus et Thomas habebunt in dicto mesuagio crofto et tofto housbote et heybote quotiens opus fuerit Et predicti prior et conuentus edificabunt vnam domum in predicto mesuagio infra tres annos proximos sequentes post datam presencium sumptibus eorum propriis et expensis de tribus baijs competentem Et postquam predicta domus sic fuerit edificata extunc dicti Iohannes Robertus et Thomas eandem domum manutenebunt et sustentabunt sumptibus eorum propriis et expensis Quod si dicta domus infra dictos tres annos non fuerit edificata tunc bene liceat predictis Iohanni Roberto et Thome meremium et omnia ad edificacionem domus necessaria emere et eandem domum edificare et de omnibus expensis factis de redditu suo supradicto allocacionem petere et optinere Et predicti Iohannes Robertus et Thomas habebunt medietatem proficuorum omnium curiarum dictorum prioris et conuentus et successorum suorum tentarum apud Schaldeston Et si contingat quod dicti Iohannes Robertus et Thomas in dicto mesuagio tofto et crofto aliquid edificare reparare vel construere voluerint tunc bene liceat eisdem petras in vno staundelf in principali mesuagio existente fodere sufficientes cum liberis ingressu et egressu quotiens eis placuerit et easdem petras capere et cariare ad edificacionem reparacionem seu construccionem predictam faciendam Et si predictus redditus fuerit aretro per quindecim dies post aliquem terminum prenominatum in parte vel in toto tunc bene liceat dictis priori et conuentui et eorum successoribus in omnibus supradictis distringere et districciones retinere quousque de redditu sic aretro existente simul cum arreragijs eis plenarie fuerit satisfactum Et si contingat dictum redditum fore aretro in parte vel in toto per tres menses post aliquem terminum prenominatum vel si vastum factum fuerit vel si statum suum alicui dimiserint absque licencia dictorum prioris et conuentus et successorum suorum tunc bene liceat dictis priori et conuentui et eorum successoribus in omnibus supradictis intrare et eadem reassumere ista dimissione in aliquo non obstante Et predicti prior et conuentus et eorum successores predictum mesuagium cum crofto adiacente et medietatem omnium terrarum supradictarum exceptis preexceptis et toftum predictum simul cum pratis pascuis et pasturis ac alijs comoditatibus quibusqumque dicte medietati terrarum spectantibus prefatis Iohanni Roberto et Thome ad terminum vite eorum et cuilibet illorum diucius viuenti in forma predicta contra omnes gentes warantizabunt et defendent In cuius rei testimonium vni parti huius indenture penes prefatos Iohannem Robertum et Thomam remanenti dicti prior et conuentus sigillum eorum commune apposuerunt Alteri vero parti penes prefatos priorem et conuentum et successores suos remanenti dicti Iohannes Robertus et Thomas sigilla sua apposuerunt Hiis testibus Ricardo de Everschawe Symone Wodeward de Bitlesden Thoma Lancestr de eadem et alijs Dat apud Luffeld in festo annunciacionis beate Marie anno regni regis Henrici quarti post conquestum quarto Et predicti Iohannes Robertus et Thomas facient fideliter signa super dictas terras [toftum] et [commoditates] sub pena foris facture omnium terrarum supradictarum