Charter Document - 03592530

Sciant presentes et futuri quod ego Susanna vxor quondam Heruici de Saldeston in libera et ligia mea viduitate dedi concessi et hac presenti carta mea confirmaui Edithe filie mee illud mesuagium cum omnibus pertinenciis suis quod Robertus filius Heruici de Saldeston quondam tenuit de me in uilla de Saldeston scilicet cum crofto et cum tofto et cum septem acris terre mee arabilis et tres rode in campis de Saldeston cum prato predicte terre ad[iacente] et cum omnibus pertinenciis suis Quarum prima dimidia acra iacet in campo orientali super Waldforlong inter terram Roberti Spenser et terram Walteri Achard alia dimidia acra iacet ad Horspol inter terram Walteri frankelani et terram ecclesie alia dimidia acra iacet ad Stoniwey inter terram ecclesie et terram dicti Walteri alia dimidia acra iacet super Cristinemel inter terram ecclesie et terram Willelmi caretarii alia dimidia acra iacet ultra le Quwelond inter terram ecclesie et terram dicti W caretarii alia dimidia acra iacet contra Stanidelforlong inter terram ecclesie et terram Walteri franckelani alia dimidia acra iacet supra Croftlond inter terram ecclesie et terram Walteri franckelani alia dimidia acra subtus Neubotl inter terram Roberti Spenser et terram Willelmi filii Walteri vna roda iacet ad Torputt inter terram dicti Willelmi et terram dicti Roberti alia dimidia acra iacet ad Blindewell inter terram Roberti Spenser et terram Walteri Achard In campo uero occidentali prima dimidia acra iacet super Salkenbust inter terram Walteri franckel et terram Walteri Achard alia dimidia acra iacet supra Longelond inter terram Walteri franckelani et Fildenestret alia dimidia acra iacet super Longelond inter terram ecclesie et terram Willelmi caretarii alia dimidia acra iacet contra Neueding et abuttat se super Fildenestret iuxta terram Walteri franckel alia dimidia acra iacet super Rugewey inter terram Walteri Achard et terram Roberti Spenser vna roda iacet in Assewelleslade inter terram que fuit prioris de Brackele et terram Roberti Spenser alia roda iacet supra Longelond inter terram que fuit dicti prioris et terram Walteri Achard Tenend et habend de me et heredibus meis dicte Edithe et heredibus suis uel cuicunque eas vendere dare legare uel assignare uoluerit libere quiete bene et in pace Reddendo inde annuatim domui sancti Iohannis de Brackele pro animabus patris et matris mee duos solidos sterlingorum ad quatuor terminos anni scilicet ad festum sancti Michaelis sex denarios et ad Natalem domini vi d et ad festum beate Marie in Martio vi d et ad festum sancti Iohannis baptiste vi d et Susanne et heredibus suis vnam marcam ad Pascha et seruicium vnius hominis per tres dies in autumno pro omnibus seruiciis consuetudinibus et demandis michi et heredibus meis uel alicui alteri pertinentibus saluo seruicio domini regis quantum pertinet tante terre de eodem feodo Et ego predicta Susanna et heredes mei totum predictum mesuagium cum crofto et tofto et cum tota terra prenominata cum omnibus pertinenciis suis predicte Edithe et heredibus suis uel suis assignatis per seruicium predictum contra omnes gentes warantizabimus et defendemus in perpetuum Et vt hec mea donacio concessio et presentis carte mee confirmacio firmitatis robur inperpetuum optineat huic presenti scripto sigillum meum apposui Hiis testibus domino Willelmo Bayvel Rogero de Stratforde Waltero franckelano de Saldeston Iohanne filio Augustini de eadem Hugone carpentario de Euersauye Waltero Bastard