Charter Document - 03591621
| Charter Number: | 03591621 |
|---|---|
| Cartulary Title: | Luffield Priory Charters |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1243 - 1251 |
| Date type: | Assigned |
| Resource Link(s): |
|
Charter:
Omnibus Christi fidelibus presens scriptum visuris uel audituris frater N prior de L et eiusdem loci conuentus salutem in domino Nouerit vniuersitas vestra nos vnanimi consensu capituli nostri teneri soluere I filio G de P et Amabilie vxori sue singulis annis quam diu vixerint sex quarteria puri frumenti et vnum quarterium fabarum et vnum quarterium ordei et duo quarteria brasii et duos bussellos farine auene et vnum bussellum fabarum ad potagium et duos bussellos de sale et duos caseos de dayria nostra de L et vnum centum de allece et vnum baconem precium duorum solidorum et tres carucatas bossi ad ignem et decem solidos sterlingorum Et predicte Amabilie quolibet altero anno vnum pellicium de pellibus agnorum Hiis terminis subscriptis singulis annis quam diu vixerint soluendo videlicet ad festum sancti Michaelis duo quarteria frumenti et dimidium quarterium ordei et dimidium quarterium fabarum et duos bussellos de sale et vnum bussellum de farina et vnum pellicium et tres carucatas de bosco ad ignem et duos caseos de dayria et quinque solidos sterlingorum Et ad festum sancti Nicholai duo quarteria frumenti et dimidium quarterium fabarum et dimidium quarterium ordei et vnum quarterium brasei et vnum baconem Et in capite ieiunii vnum centum allece et vnum quarterium brasii et vnum bussellum fabarum ad potagium Et ad festum sancte Marie in Marcio duo quarteria frumenti et vnum bussellum de farina auene et quinque solidos sterlingorum Inueniens eciam eis et alteri eorum quoad vixerit conpetens hospicium cum quodam curtilagio in curia nostra de T et pasturam duarum vaccarum in estate et pastum earum in hieme cum aueriis nostris in T Et si ita contingat quod alter predictorum ante alium obierit nos et successores nostri ipsi istorum qui diucius advixerit medietatem omnium predictorum cum tribus carucatis bosci cum domo et curtilagio sine omni contradiccione fraude et dolo quam diu vixerit inuenimus In cuius rei testimonium
Source (click image below to view full size)
