Charter Document - 03591539
| Charter Number: | 03591539 |
|---|---|
| Cartulary Title: | Luffield Priory Charters |
| Charter Language: | Latin |
| Charter Origin: | Religious |
| Charter Type(s): | Lease |
| Date: | 1383 |
| Date type: | Assigned |
| Resource Link(s): |
|
Charter:
Nouerint vniuersi per presentes quod nos frater Willelmus prior de Luffeld et eiusdem loci conuentus tradidimus et dimisimus Willelmo de Barton Waltero filio eiusdem et Iohanni fratri eiusdem Willelmi omnia nostra terras et tenementa redditus et seruicia cum omnibus pertinenciis in Schaldeston Habend et tenend omnia predicta terras et tenementa redditus et seruicia cum suis pertinenciis de nobis et successoribus nostris predictis Willelmo Waltero et Iohanni ad totam vitam illorum et cuilibet eorum diucius viuenti libere bene et in pace Reddendo inde annuatim nobis et successoribus nostris triginta solidos argenti ad quatuor anni terminos videlicet ad festum annunciacionis beate Marie in Marcio et natiuitatis sancti Iohannis baptiste sancti Michaelis et sancti Thome apostoli per equales porciones et dabunt predictis priori et conuentui vel eorum successoribus melius animal eorum nomine herieti post decessum predictorum Walteri et Iohannis Et preterea facient pro nobis et successoribus nostris capitalibus dominis feodi seruicia inde debita et de iure consueta et forinseca seruicia cum acciderint Dicti vero Willelmus Walterus et Iohannes predicta nostra terras nec tenementa redditus nec seruicia seu eorum pertinencia inpignorabunt nec aliis modis alienabunt nec cuiquam tradent statum suum de predictis terris et tenementis nostris set omnia predicta cum suis pertinenciis bene et integre sustentabunt et in adeo bono statu quo ea receperunt in omnibus conseruabunt Et si predictus redditus triginta solidorum aretro fuerit in parte vel in toto per quindecim dies post aliquem terminum prenominatum vel eciam predicti statum suum de aliqua terrarum predictarum seu tenementorum alicui tradiderint uel alienauerint tunc bene liceat dictis priori et conuentui vel eorum successoribus in singulis predictis terris et tenementis et eorum pertinenciis ingredi et predictum Willelmum Walterum et Iohannem expellere et omnia predicta in manus suas reassumere sine alicuius contradiccione vna vum omnibus bonis et catallis in dictis terris et tenementis manentibus Nos vero predicti prior et conuentus et successores nostri omnia predicta terras et tenementa redditus et seruicia cum pertinenciis suis predictis Willelmo Waltero et Iohanni ut predictum est contra omnes gentes warantizabimus et defendemus In cuius rei testimonium huic presenti scripto indentato sigilla nostra alternatim apposuimus Hijs testibus
Source (click image below to view full size)
